PEOPLE'S EV

ഒരു തവണ ഓടിച്ചാൽത്തന്നെ ടിയാഗോ.ഇവിയോട് ഇഷ്ടം തോന്നും.

- പ്രവീൺ

2022 ഡിസംബറിൽ ലോകം മുഴുവൻ ഒറ്റ പേരിലേക്കു ചുരുങ്ങിയിരുന്നു. മെസ്സി. മെസ്സി ഖത്തറിൽ ഫുട്ബോളിന്റെ ലോകകിരീടം നേടിയ ദിവസമായിരുന്നു ടാറ്റ ടിയാഗോ ഇവിയുടെ ടെസ്റ്റ് ഡ്രൈവ്. ടാറ്റയെ പഴയ മോഡലുകളുടെ കൂടാരത്തിൽനിന്നു പുറത്തെത്തിച്ച ഫോർവേഡാണ് ടിയാഗോ. ആ ടിയാഗോയെ ആദ്യം അവതരിപ്പിച്ചിരുന്നതോ സാക്ഷാൽ മെസ്സിയും (അന്നു സിക്ക എന്നായിരുന്നു ടിയോഗോയുടെ പേര്). ടിയോഗോയുടെ ഇവി വേർഷന്റെ ആദ്യ ഡ്രൈവ് മെസ്സിയുടെ കിരീടനേട്ടദിനത്തിലായി എന്നതു യാദൃച്ഛികത. ഗോവയിലെ കാബോഡി രാമ ബീച്ചിന്റെ ക്ലിഫിലേക്ക് ഓടിച്ചുകയറ്റുമ്പോൾ ഒന്നുറപ്പിച്ചിരുന്നു. ജനങ്ങളുടെ ഇവി ആകും ടിയാഗോ ഇവി എന്ന്. റേഞ്ച് കൂടിയ ഏറ്റവും വില കുറവുള്ള ഇവിയാണ് ടിയാഗോ ഇവി

ഫസ്റ്റ് നോട്ട്

 എന്തുകൊണ്ടു ടിയാഗോ എന്നതു പറയേണ്ടതില്ലല്ലോ? ചെറിയ ഹാച്ച്ബാക്കുകളിൽ ഏറ്റവും സുരക്ഷിതൻ. കടുകട്ടി ബോഡി, ദീർഘയാത്രയ്ക്കു യോജിച്ച സൂപ്പർ സസ്പെൻഷൻ, സ്റ്റൈലിനു സ്റ്റൈലും. ഇന്ത്യയുടെ ഏറ്റവും മുന്തിയ ബജറ്റ് ഇവിയാണ് ടിയാഗോ. ഇവി. ഒരു സാധാരണ ഫാമിലിക്കു വലിയ കാറിന്റെ സുരക്ഷയാണു ടിയാഗോ.ഇവി ഒരുക്കുന്നത് (ക്രാഷ് ടെസ്റ്റിൽ 4 സ്റ്റാർ റേറ്റിങ്). ആ മോഡലിന്റെ ഇവി വേരിയന്റിനു സ്വാഭാവികമായും ആകർഷകത്വം കൂടും.

റേഞ്ച്, ബാറ്ററി

ടിയാഗോ. ഇവിക്ക് രണ്ടു ബാറ്ററി പാക്ക് വേരിയന്റുകളുണ്ട്. മീഡിയം റേഞ്ച്, ലോങ് റേഞ്ച്. എആർഎ ഐയുടെ മോഡിഫൈഡ് ഇന്ത്യൻ ഡ്രൈവ് സൈക്കിൾ (MIDC) പ്രകാരം റേഞ്ച് ഇങ്ങനെമീഡിയം റേഞ്ച്- 257 കിമീ ലോങ് റേഞ്ച്- 315 കിമീ.

യാത്രയിലെത്ര  കിട്ടി?