ചക്കിയും അമ്മയും ചില വീട്ടുകാര്യങ്ങളും

ജയറാമും കാളിദാസും വീട്ടിലില്ലാത്ത ഒരു ദിവസം കുഞ്ഞു രഹസ്യങ്ങളും കുസ്യതികളുമായി പാർവതിയും മാളവികയും

- വിജീഷ് ഗോപിനാഥ്

പത്തു വയസ്സുള്ളപ്പോഴാണ് അശ്വതി “ഓർമയ്ക്കായ്' എന്ന സിനിമ കാണുന്നത്. സംവിധാനം ഭരതൻ. ഭരത് ഗോപിയുടെ സംസാര ശേഷിയില്ലാത്ത കലാകാരൻ. മാധവിയുടെ സൂസന്ന. അവരുടെ മകൾ ചക്കി. കണ്ണീരുപ്പുള്ള ആ സിനിമ കണ്ട് അശ്വതി കുറേ കരഞ്ഞു. അതു കഴിഞ്ഞ്, അഞ്ചാം ക്ലാസുകാരി അശ്വതി അന്നൊരു തീരുമാനമെടുത്തു. മകളുണ്ടായാൽ ചക്കിയെന്നേ വിളിക്കൂ.