ഹൃദയത്തിൻ കണിയെന്നും നീയേ കണ്ണാ

ഇന്ത്യയിൽ ആദ്യം നട തുറക്കുന്നത് കോട്ടയം തിരുവാർപ്പ് ശ്രീകൃഷ്ണസ്വാമി ക്ഷേത്രത്തിലാണ്. ആചാരങ്ങളിൽ ഏറെ വൈവിധ്യങ്ങൾ നിറഞ്ഞ ക്ഷേത്രത്തിലൂടെ ഒരു വിഷുക്കണി യാത്ര

- 

നോക്കെത്താ ദൂരം പരന്നു കിടക്കുന്ന നെൽപ്പാടങ്ങൾ. ഇടയ്ക്കിടയ്ക്ക് മീനച്ചിലാറിന്റെ കൈവഴികൾ. പുത്തൻതോടും തിരുവാർപ്പ് തോടും. പിന്നെ, വേമ്പനാട് കായൽ. വെള്ളത്താൽ ചുറ്റപ്പെട്ടു കിടക്കുമ്പോഴും മനോഹരമായ കര. കോട്ടയം പട്ടണത്തിൽ നിന്ന് ഏഴു കിലോമീറ്ററോളം അകലെയുള്ള തിരുവാർപ്പ് എന്ന ഈ ദേവഭൂമിയാണ് ദക്ഷിണ ദ്വാരക. അപൂർവമായ ഐതിഹ്യങ്ങളും !