Chandrika Weekly - January 01, 2022

Dans ce numéro

ഉത്തരേന്ത്യയില്‍ നിന്ന് ഈയിടെ നിരന്തരം വന്നുകൊണ്ടിരിക്കുന്നത് മുസ്‌ലിംകള്‍ അടക്കം ന്യൂനപക്ഷ മതവിഭാഗങ്ങള്‍ക്കെതിരെ സംഘപരിവാര്‍ അഴിച്ചുവിടുന്ന വിദ്വേഷ പ്രസംഗങ്ങളുടെ വാര്‍ത്തയാണ്. വര്‍ഗീയ കലാപം ആഹ്വാനം ചെയ്യുന്ന തരത്തില്‍ മതേതരത്വത്തെ അപ്രസക്തമാക്കുന്ന പ്രസംഗങ്ങള്‍ തുടര്‍ച്ചയായി നടത്തുന്നത് മതപാര്‍ലിമെന്റ് വിളിച്ചുകൂട്ടിയാണ്. ഹരിദ്വാറിലും മറ്റും അരങ്ങേറിയ വിദ്വേഷപ്രസംഗം വൈറലായതിനെത്തുടര്‍ന്ന് പ്രസംഗിച്ചവര്‍ക്കെതിരെ കേസ് എടുത്തിട്ടുണ്ട്. സംഘപരിവാര്‍ ഭരണകൂടത്തിന്റെ പിന്തുണയില്‍ ഭരണഘടനയെയും ജനാധിപത്യത്തെയും അട്ടിമറിക്കുന്ന തരത്തില്‍ അരങ്ങേറുന്ന ഇത്തരം വിഷലിപ്ത പ്രവണതയെ വിശകലനം ചെയ്യുകയാണ് കാര്‍ട്ടൂണിസ്റ്റും മാധ്യമപ്രവര്‍ത്തകനുമായ സുധീര്‍നാഥ്‌.