Akram Express - Gujarati - ભય | November 2009 | અક્રમ એક્સપ્રેસ

Dans ce numéro

"બાળમિત્રો, આપણે હાલતા ને ચાલતા મનથી, વાણીથી અથવા વર્તનથી કોઈને ને કોઈને દુઃખ આપી દેતા જ હોઈએ છીએ. ખોટું છે એવું સમજવા છતાં આપણે એ અટકાવી શકતા નથી. શા માટે આવું થતું હશે? જરૂર છે એના જોખમો જાણવાની. જોખમો જાણવાથી અવળા વિચારો, વાણી અને વર્તન ઓછા થતાં થતાં બંધ થઈ જશે. આ અંકમાં પરમ પૂજ્ય દાદાભગવાને દુઃખ દેવાના જોખમો અને દુઃખ દેવાઈ જાય તો એમાંથી કેવી રીતે પાછા ફરવું એની સુંદર સમજણ આપી છે. તો ચાલો, આપણે પણ આ જોખમોને સમજીએ અને બીજાને દુઃખ દેતા અટકીએ. બાળમિત્રો, દરેકને ભયનો અનુભવ તો હશે જ. કોઈને ટીચરનો ભય લાગે તો કોઈને પરીક્ષાનો, કોઈને અંધારાનો ભય લાગે તો કોઈને એકલા રહેવાનો, તો વળી કોઈને ભૂતનો ભય લાગે. કોઈ ભય ન હોય છતાં ક્યારેક, કોઈ આપણને જોરથી અચાનક ‘ભાઉ..’ કરે તો ડરી ગયા હોઈશું. ક્યારેય આપણે વિચાર્યું છે કે ભય કેમ લાગતો હશે ? એની પાછળના કારણો કયા હશે ? એમાંથી મુક્ત થવાનો ઉપાય શું હશે ? શું ખરેખર ભય રાખવા જેવું જગતમાં છે ? આ તમામ રહસ્યોની સમજણ પરમ પૂજ્ય દાદાશ્રીએ આ અંકમાં ખુલ્લી કરી છે. તો ચાલો, આપણે પણ આ રહસ્યોને જાણીએ અને ભયમુક્ત દશા અનુભવીએ. "