ഉള്ളുതൊടും തണലിടങ്ങൾ

വീടിനുള്ളിൽ പ്രകൃതി നിറയുന്ന ഇടങ്ങളാണ് ബയോഫിലിക്ക് സ്പേസുകൾ...

- അഞ്ജലി അനിൽകുമാർ

അതിരാവിലെ വിളിച്ചുണർത്താനെത്തുന്ന സൂര്യകിരണങ്ങളും വരാന്തയിലിരുന്നാൽ കേൾക്കുന്ന മഴയുടെ ശബ്ദവും ചാരുകസേരയിൽ പുസ്തകം വായിച്ചിരിക്കുമ്പോൾ അനുവാദം തേടാതെ കടന്നുവരുന്ന കാറ്റുമെല്ലാം നമ്മുടെ ഇടങ്ങളെ കൂടുതൽ പ്രിയപ്പെട്ടവയാക്കുന്നില്ലേ? ഇങ്ങനെ ഒരേസമയം ശ്വസിക്കുകയും സാന്ത്വനിപ്പിക്കുകയും ചെയ്യുന്ന, പ്രകൃതി നിറയുന്ന ഇടങ്ങളെ ബയോഫിലിക്ക് സ്പേസുകൾ എന്നു വിളിക്കാം. വീട്, ഓഫിസ്, സ്കൂൾ, കോളജ് തുടങ്ങി ഏതൊരിടത്തേയും ബയോഫിലിക്ക് ആക്കി മാറ്റാവുന്നതാണ്.

തിരക്കേറിയ ജീവിതത്തിന്റെ സമ്മർദം അകറ്റി മാനസികാരോഗ്യം മെച്ചപ്പെടുത്തുന്നതിൽ ഇത്തരം ഇടങ്ങൾക്കു വലിയ പങ്കുണ്ട്. ചെറിയ ഇടങ്ങളിലും ഹരിതശോഭ വർധിപ്പിക്കാം എന്നതിനു സാക്ഷ്യങ്ങൾ ഏറെയുണ്ട്. പഞ്ചഭൂതങ്ങളുമായി സമരസപ്പെടലാണ് ഇവിടെ മൂല ആശയം.

കാറ്റും വെളിച്ചവും ആവോളം

സ്വാഭാവികമായ വെളിച്ചവും കാറ്റും ഏതു കെട്ടിടത്തിനും ജീവൻ പകരും.

വലിയ ജനാലകളിലൂടെ സൂര്യപ്രകാശത്തെ ഉള്ളിലേക്കാനയിക്കാം.