ZEBA Graceful Voice

ലോകയിലെ സൂപ്പർ ഹിറ്റ് ഗാനത്തിന്റെ രചയിതാവും ഗായികയുമായ കോട്ടയം ഗേൾ സേബ ടോമിയുടെ പുതിയ സംഗീത വിശേഷങ്ങൾ

- ബൈജു ഗോവിന്ദ്

കാലപ്രവാഹത്തിനൊപ്പം മലയാളികളുടെ കാതോരം വെസ്റ്റേൺ മ്യൂസിക് താളമിട്ടതറിഞ്ഞ് സേബ ടോമി എന്ന കോട്ടയത്തുകാരി ഇമ്പമാർന്നൊരു പാട്ടുപാടി. queen of the night എന്നു തുടങ്ങുന്ന ആ ഗാനം "ലോക' എന്ന സിനിമയിലൂടെ മലയാളികൾ ഏറ്റുപാടി.

സേബ ആദ്യമായി പാടിയ സിനിമ ലോകയല്ല. പത്തുവർഷത്തോളമായി ചലച്ചിത്ര പിന്നണി ഗാന രംഗത്തു സജീവമാണ് ഈ ഗായിക. അതേതൊക്കെ സിനിമകളെന്നു ചോദിച്ചാൽ ലിസ്റ്റ് ഇങ്ങനെ ഓഫിസർ ഓൺ ഡ്യൂട്ടി എന്ന ചിത്രത്തിലെ നിയോൺ റൈഡ്, ഫിലി പ്സ് എന്ന സിനിമയിലെ സദാ ഇനി ഇതാ, ഗരുഡനിലെ കൂരമ്പായ് പായുന്നോ, അം അഃ എന്ന ചിത്രത്തി ലെ ആരോരും എന്നു തുടങ്ങുന്ന പാട്ട്. സേബയെ സംബന്ധിച്ച് ലോകയിലെ ഗാനം ഇതിൽ നിന്നെല്ലാം വ്യത്യസ്തമാണ്. കാരണം, ആ പാട്ടിന്റെ വരികളെഴുതിയതും സേബയാണ്.

എവിടെയായിരുന്നു?