ചേച്ചി കുട്ടീസ് FULL ONAM

തെന്നിന്ത്യൻ സിനിമയിലെ താരറാണി മഹിമയും കുട്ടിത്താരങ്ങൾ ദേവനന്ദയും നക്ഷത്രയും കളിചിരികളുമായി ഒത്തുചേർന്നപ്പോൾ

- അമ്മു ജൊവാസ്

ഓരോരോ വർണപ്പൂക്കളിലും തൊട്ടുരുമ്മി കിന്നാരം ചൊല്ലി ഓണത്തുമ്പികളെപ്പോലെ പാറി നടക്കുകയാണു ദേവനന്ദയും നക്ഷത്രയും. പാവാട നിറങ്ങളും വളക്കിലുക്കങ്ങളും ഓണത്തെ വരവേൽക്കുന്ന അവിടേക്ക് കുറുമ്പുകൾക്കൊപ്പം കൂട്ടു കൂടാനെത്തിയത് തെന്നിന്ത്യൻ സിനിമയിലാകെ പാറിനടക്കുന്ന മഹിമ നമ്പ്യാരാണ്.

"നിങ്ങളിങ്ങനെ ഓടിച്ചാടി കളിക്കുന്നതു കാണുമ്പോൾ എനിക്ക് എന്റെ കുട്ടിക്കാലം മിസ് ചെയ്യുന്നുണ്ട്...ട്ടോ...' തമാശ കലർന്ന പരിഭവവുമായി മഹിമചേച്ചി ചേർന്നതോടെ കുട്ടീസും ഫുൾ ഓൺ കരിയറിലെ 25 സിനിമകളുടെ "നീല നിലവ്' മഹിമയുടെ കണ്ണിൽ തിളങ്ങുന്നുണ്ട്.

ദേവനന്ദ നല്ല രസാരുന്നോ "മഹിമക്കുട്ടി'യുടെ ഓണം?

മഹിമ: അന്നു ഞാൻ ഗോപികക്കുട്ടിയാണ്. സിനിമയിൽ വന്ന ശേഷമാണേ മഹിമയായത്. ഓണക്കോടിയുടുത്തു ഞാനും ചേട്ടനും കസിൻസുമെല്ലാം അടിച്ചു പൊളിക്കുന്ന ദിവസങ്ങളാണ് എനിക്ക് ഓണം. ഇപ്പോഴും അതിനു മാറ്റമില്ല. പണ്ട് അമ്മയായിരുന്നു പൂക്കളമിടുന്നത്. ഞാൻ അല്പം മുതിർന്നപ്പോൾ ആ ഡ്യൂട്ടി എനിക്കായി. അന്നുമിന്നും എല്ലാ ഓണവും വീട്ടിലാണ് ആഘോഷിക്കുക.

നക്ഷത്ര: എന്റെ വീട്ടിലും അമ്മയാണു പൂക്കളമിടുന്നത്. അടുത്ത വീട്ടിലുള്ളവരെല്ലാം ഞങ്ങളുടെ വീട്ടിൽ ഓണ സദ്യയുണ്ണാൻ എത്തും. ഇക്കുറി ഓണം അൽപം സ്പെഷലാ... നിങ്ങൾക്കൊപ്പമാണല്ലോ എന്റെ ഓണം. ദേവൂന്റെ ഓണവിശേഷം പറ

ദേവനന്ദ: ഇതുവരെയുള്ള ബെസ്റ്റ് ഓണം മെമ്മറി ഗു സിനിമയുടെ സെറ്റിലെ ഓണാഘോഷമാണ്. ആദ്യമായാ ണ് അന്ന് സെറ്റിൽ ഓണം ആഘോഷിച്ചത്. എല്ലാവരും ചേർന്നുള്ള സദ്യയും തമാശയുമെല്ലാം ഒത്തിരി ഇഷ്ടമായി.

നക്ഷത്ര; മഹിമ ചേച്ചി ഇപ്പോ പറന്നു നടന്ന് അഭിനയിക്കുന്ന തിരക്കിലാണല്ലോ?

മഹിമ: (നക്ഷത്രയുടെ കവിളിൽ പിടിച്ചു പൊട്ടിച്ചിരിക്കുന്നു) കന്നഡ സിനിമയുടെ സെറ്റിൽ നിന്നാണ് ഇവിടേക്ക് വന്നത്. ഇതിനൊപ്പം തന്നെ തെലുങ്കിലും അഭിനയിക്കുന്നുണ്ട്. രണ്ടു ഭാഷയിലെയും എന്റെ ആദ്യസിനിമകൾ പടം അനൗൺസ് ചെയ്യാത്തതുകൊണ്ടു ബാക്കി സീക്രട്ട്.

ദേവനന്ദ: അപ്പോൾ നമ്മൾ മലയാളികളെ മറന്നോ?