സ്റ്റാർ സ്റ്റൈലിസ്റ്

മോഹൻലാലിന്റെ പുതിയ വൈറൽ പരസ്യത്തിന്റെ സ്റ്റൈലിസ്റ്റ് ശാന്തി കൃഷ്ണ സംസാരിക്കുന്നു

- വിജീഷ്

പൗരുഷത്തിന്റെയും സ്ത്രൈണതയുടയും വരമ്പിലൂടെയായിരുന്നു ആ പരസ്യത്തിൽ മോഹൻലാലിന്റെ വിസ്മയയാത്ര. ബട്ടൻ തുറന്നിട്ട കറുത്ത ഷർട്ട്, സിനിമയിൽ ഒരുപാടു നായികമാർ മുഖം ചായ്ച നെഞ്ചിൽ ചേർന്നു കിടക്കുന്ന ഡയമണ്ട് നെക്ലേസ്. ആരാധകർ മോഹിച്ചു പോവില്ലേ? പരസ്യം വൈറലായതോടെ ലാലേട്ടൻ ധരിച്ച കോളർ ഇല്ലാത്ത ഷർട്ടും ഹിറ്റായി. ആ ഡ്രസ്സ് ഒരുക്കിയത് ശാന്തികൃഷ്ണയാണ്. കാഞ്ഞങ്ങാടു നിന്നു ഫാഷൻ ഡിസൈനിങ് മോഹവുമായി കൊച്ചിക്കു വന്ന ഒരു പെൺകുട്ടിയുടെ ആത്മവിശ്വാസമാണ് ഈ വിജയത്തിനു പിന്നിലുള്ളത്.

“ഒപ്പത്തിന്റെ സെറ്റിൽ വച്ചാണു ലാലേട്ടനെ ആദ്യമായി കാണുന്നത്. അനുശ്രീ എന്റെ സുഹൃത്താണ്. അനുവിന്റെ പഴ്സണൽ സ്റ്റൈലിസ്റ്റ് കൂടിയായിരുന്നു ഞാൻ. ലാലേട്ടന്റെ കൂടെ ഒരു സെൽഫി എടുക്കണമെന്നതു വലിയ മോഹമായിരുന്നു. ഇൻഫോ പാർക്കിൽ ഒപ്പത്തിന്റെ ഷൂട്ട് നടക്കുന്ന ദിവസം ഞാനെത്തി. ലാലേട്ടൻ നല്ല തിരക്കിലാണ്.