നമുക്കുമാകാം കോടീശ്വരൻ

സമ്പത്തു കാലത്തു നടുന്ന തൈകളാണു നിക്ഷേപങ്ങൾ. വരുമാനം എങ്ങനെ സുരക്ഷിതമായ നിക്ഷേപമാക്കാം എന്നു ചിന്തിക്കുന്നവർക്ക് മാർഗനിർദേശങ്ങൾ നൽകുന്ന പംക്തി...

- നിഖിൽ ഗോപാലകൃഷ്ണൻ സിഇഒ, പെന്റാഡ് സെക്യൂരിറ്റീസ്

സമ്പത്തു കാലത്തു തൈ പത്തു വച്ചാൽ ആപത്തു കാലത്തു കായ് പത്തു തിന്നാം എന്ന പഴഞ്ചൊല്ല് കേട്ടിട്ടില്ലേ? സമ്പത്തു കാലത്ത് അൽപം മിച്ചം പിടിച്ചുകൊണ്ടു കോടികൾ നേടുന്നതെങ്ങനെയെന്നു നോക്കിയാലോ?

ഇപ്പോൾ വളരെയധികം കേട്ടുവരുന്ന വാക്കാണ് സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ അഥവ എസ്ഐ പി. ആർഡി സംവിധാനം തന്നെയാണ് എസ്ഐപിയും. മച്വൽ ഫണ്ടിന്റെ വരവോടെ എസ്ഐപി എന്ന പേരിലേക്കു മാറിയെന്നു മാത്രം.

സാമ്പത്തിക അച്ചടക്കം തരുമെന്നതാണ് എസ്ഐപിയുടെ നേട്ടം. നിശ്ചിത തുക എല്ലാ മാസവും എസ്ഐ പിയിലേക്ക് മാറ്റാം. അക്കൗണ്ടിൽ നിന്നു തുക നേരിട്ട് എസ്ഐപിയിലേക്ക് പോകുന്നതു കൊണ്ട്, ബാങ്കിൽ ക്യൂ നിൽക്കേണ്ട. നിക്ഷേപം മ്യൂച്വൽ ഫണ്ടിലേക്കു മാറ്റുന്നതിന്റെ ഉത്തരവാദിത്വം ഫണ്ട് മാനേജ്മെന്റ് കമ്പനിക്കാണ്. ഷെയർ മാർക്കറ്റ്, രാജ്യാന്തരഫണ്ടുകൾ തുടങ്ങി എവിടേക്കു മാറ്റുന്നതാകും ലാഭകരമെന്ന് ഫണ്ട് മാനേജർക്ക് ധാരണയുണ്ടാകും. എസ്ഐപിയിലൂടെ സ്വർണം, വെള്ളി നാണയങ്ങൾ വാങ്ങി വയ്ക്കുന്നവരുമുണ്ട്.

എസ്ഐപിയുടെ ഗുണങ്ങൾ

ചെറിയ തുക നിക്ഷേപം ആരംഭിക്കാം. താരതമ്യേന റിസ്ക് കുറവാണ്.