വാട്സാപ് ഹാക്കും ഇൻസ്റ്റഗ്രാമും

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

വാട്സാപ്പ് അക്കൗണ്ടുകൾ ഹാക്ക് ചെയ്യപ്പെടുന്നതായി പൊലീസിന്റെ മുന്നറിയിപ്പ് എല്ലാവരും കണ്ടിട്ടുണ്ടാകും. ഇത്തരത്തിൽ നൂറുകണക്കിനു പരാതികൾ പല സ്റ്റേഷനുകളിൽ റജിസ്റ്റർ ചെയ്തിട്ടുണ്ടെന്നും വാർത്തകളിലൂടെ നമ്മൾ കേട്ടു.

ഒരു നമ്പർ ഹാക്ക് ചെയ്ത ശേഷം ആ നമ്പർ ഉൾപ്പെട്ട വിവിധ വാട്സാപ് ഗ്രൂപ്പുകൾ കണ്ടെത്തി അവയിലെ നമ്പരുകൾ കൂടി ഹാക്ക് ചെയ്യുന്ന ചെയിൻ രീതിയാണു മിക്കവാറും കണ്ടുവരുന്നത്. വാട്സാപ്പിലേക്ക് ഒടിപിയോ കോഡോ ഒക്കെ വന്നിട്ടുണ്ടെന്നും അത് അയച്ചു നൽകുമോ എന്നു ചോദിച്ചാണു തുടക്കം. പരിചയക്കാരുടെ നമ്പരിൽ നിന്നാകുമ്പോൾ പലരും സംശയിക്കില്ല.

പക്ഷേ, ചില തട്ടിപ്പുകളുടെ രീതി കുറച്ചുകൂടി കടന്നതാണ്. വാട്സാപ്പിലേക്കു ലഭിക്കുന്ന ലിങ്കുകളാണ് ഇവരുടെ ചൂണ്ട. അശ്ലീല ദൃശ്യങ്ങളെന്നോ ഓഫർ എന്നോ ഒക്കെ ലിങ്കിനു പേരും ഇട്ടിട്ടുണ്ടാകും. ക്ലിക് ചെയ്യുന്നതോടെ വാട്സാപ് മാത്രമല്ല, ഫോണും ഹാക്ക് ചെയ്യപ്പെടും.

ഭയം വേണ്ട, ജാഗ്രത മതി