എന്തിനും വേണ്ടേ പ്ലാൻ ബി

ജിമെയിൽ ഉപയോഗിച്ച് ഓഫിസ് ജോലിയിൽ കൂടുതൽ സ്മാർട്ടാകാനുള്ള വഴിയും ആപ് ഐക്കണുകളുടെ മുഖം മാറ്റാനുള്ള ടിപ്പും

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ഓഫിസ് ജോലിക്കു വേണ്ടി ഫോണിലെ വിവിധ ടെക്നിക്കുകൾ ഉപയോഗിക്കുന്നവരുടെ എണ്ണം കൂടി വരികയാണ്. ഓഫിസ് ജോലിയിൽ സ്മാർട്ടാകാൻ ജിമെയിൽ ഐഡി ഉപയോഗിക്കുന്ന വിധമാണ് ഇക്കുറി. ഒപ്പം കൂട്ടുകാരുടെ മുന്നിൽ മിടുക്കരാകാനുള്ള ടെക്നിക്കും.

സേവ് ചെയ്യാം, തുറക്കാം

ഓഫിസിൽ വച്ചു വളരെ ബുദ്ധിമുട്ടി തയാറാക്കിയ ഒരു ഫയൽ കംപ്യൂട്ടറിൽ സേവ് ചെയ്തശേഷം പിന്നീട് കംപ്യൂട്ടറിനു തകരാർ സംഭവിച്ചു എന്നു കരുതുക (അങ്ങനെ സംഭവിക്കാതിരിക്കട്ടെ). കഷ്ടപ്പെട്ടു ചെയ്തുതീർത്ത ജോലികൾ വീണ്ടുമൊന്നു കൂടി ചെയ്യേണ്ടി വന്നാലോ. ഈ സാഹചര്യം ഒഴിവാക്കാനുള്ള പ്ലാൻ ബി അഥവാ ബാക്സ് പ്ലാൻ ഫോളോ ചെയ്തോളൂ.