"ടർബോ' വൈബിൽ അഞ്ജന

മമ്മൂട്ടി നായകനാകുന്ന ടർബോയിൽ പ്രധാന വേഷത്തിൽ എത്തിയതിന്റെ ത്രില്ലിലാണ് അഞ്ജന ജയപ്രകാശ്

- അഞ്ജലി അനിൽകുമാർ

എനിക്കു കിട്ടിയ മാജിക് ലാംപ്

ശരിക്കും മാജിക് ലാംപ് കിട്ടിയതു പോലെയാണ് എ നിക്കിപ്പോൾ. ചുറ്റും നടക്കുന്നതൊക്കെ വിസ്മയം പോലെ തോന്നുന്നു. പാച്ചുവും അത്ഭുതവിളക്കും' കഴിഞ്ഞു കുറച്ചു നാളിനു ശേഷം മമ്മൂട്ടി കമ്പനിയിൽ നിന്നൊരു കോൾ വന്നു. "ടർബോ'യിൽ ഒരു റോൾ ഉണ്ടെന്നു പറഞ്ഞു. മമ്മൂക്ക നായകനാകുന്ന സിനിമയിൽ അവസരം വരുമ്പോൾ രണ്ടാമതൊന്ന് ആലോചിക്കേണ്ട കാര്യമില്ലല്ലോ. അപ്പോഴെ 'യെസ്' പറഞ്ഞു. വളരെ പക്വതയുള്ള വ്യക്തിയാണു ടർബോയിൽ എന്റെ കഥാപാത്രം ഇന്ദുലേഖ. സിനിമയിൽ ടർബോ ജോസും ഇന്ദുലേഖയും തമ്മിലുള്ള ഇക്വേഷൻ രസകരമാണ്.

മമ്മൂക്കയെ സ്ക്രീനിൽ കണ്ടു വളർന്ന ആളാണ് ഞാനും. അദ്ദേഹത്തെ ആദ്യം നേരിൽ കണ്ടപ്പോൾ ഒരു "സ്റ്റാർ സ്ട്രക് ഫീൽ ആയിരുന്നു.

എന്റെ പ്രിയപ്പെട്ടവൾ

പാച്ചുവും അത്ഭുതവിളക്കും സിനിമയിലെ ഹംസ ധ്വനിയെക്കുറിച്ച് ഇപ്പോഴും പലരും പറയുന്നതു കൊണ്ട് ഒട്ടും മിസ് ചെയ്യുന്നില്ല. എന്റെ യഥാർഥ പേര് പലർക്കും അറിയില്ല. ഹംസധ്വനിയെന്നാണ് വിളിക്കുന്നത്. കഥാപാത്രത്തിന്റെ പേരിൽ അറിയപ്പെടുകയെന്ന ഭാഗ്യം മലയാള സിനിമയിൽ കിട്ടാവുന്ന മികച്ച വരവേൽപ്പല്ലേ സത്യത്തിൽ അതിന്റെ ക്രെഡിറ്റ് സംവിധായകൻ അഖിൽ സത്യനാണ്.