ഓർമയുടെ പവർ കൂട്ടാം

ഓർമയുടെ 'മസിൽ പവർ വർധിപ്പിക്കാൻ ഇതാ ചില വഴികൾ

- 

അയ്യോ, ഞാനതു മറന്നു എന്നു പറയുമ്പോൾ എതിർ ഭാഗത്തു നിൽക്കുന്നയാൾ ഇടയ്ക്കെങ്കിലും പറയാറില്ലേ അതു നിനക്ക് ശ്രദ്ധയില്ലാ അതുകൊണ്ടാണ്' എന്ന്. സംഗതി സത്യമാണ്. നല്ല ശ്രദ്ധ മികച്ച ഓർമയ്ക്ക് ആവശ്യമാണ്. ഏതൊരു കാര്യവും ശ്രദ്ധിച്ചെങ്കിൽ മാത്രമേ തലച്ചോറിൽ റജിസ്റ്റർ ആകൂ. ഓർമയുടെ കരുത്തു കൂട്ടാൻ ഇതാ ചില വഴികൾ.

നമ്പറുകൾ ഓർത്തിരിക്കാൻ നമ്പർ ചങ്കിങ് എന്നൊരു സുത്രപ്പണിയുണ്ട്. ഒരു സുഹൃത്ത് മൊബൈൽ ഫോൺ നമ്പർ പറഞ്ഞു തരുന്നുവെന്നിരിക്കട്ടെ. 3579268162 എന്നത് ഓർത്തിരിക്കാൻ പ്രയാസമല്ലേ. ഓരോ ഡിജിറ്റ് ആയി ഓർത്തു വയ്ക്കാനുള്ള ബുദ്ധിമുട്ടാണു കാരണം. പകരം ഈ നമ്പർ മുന്നു പാർട്ട് ആയി സൂക്ഷിക്കാം, ദേ, ഇതുപോലെ 3579 2681 62.