சத்தமின்றி சாதனை!

“தொடர்பு என்பது வார்த்தை களுக்கு அப்பாற்பட்டது” என்கிற வீரமணி சேகர் பிறவியிலேயே கேட்கவும், வாய் பேசவும் இய லாத மாற்றுத்திறனாளி.

- மகேஸ்வரி நாகராஜன் பி.கிருஷ்ணமூர்த்தி

ஆனால், இதை அவ ருக்கு ஏற்பட்ட தடையாய் நினைக்காமல், முறை யாக பயிற்சி பெற்ற மைக் கலைஞராய், சாலை விழிப்புணர்வு வாசகங் கள் அடங்கிய பதாகை களோடு பள்ளி, கல்லூரி வளாகங்கள் இருக்கும் முக்கிய சாலைகளில், போக்குவரத்து விதிமுறை களை மீறும் வாகன ஓட்டி களுக்கு விழிப்புணர்வை ஏற்படுத்தி வருகிறார். இதற் காக இந்திய சாதனைப் புத்தகத்திலும் (India book of records) இடம் பிடித்திருக்கிறார். வீரமணி யிடம் பேசியதில்...

“என்னோடு படித்து, ஓடி ஆடி விளையாடிய நண்பன் சாலை விபத்தில் அகால மரணம் அடைய, அதை நேரில் பார்த்த எனக்கு அதிர்ச்சியானது. அதேபோல் என் மகனை யும், மகளையும் வாகனத் தில் பள்ளிக்கு அழைத்துச் சென்றபோது எதிர்பாரா மல் எனக்கும் விபத்து நேர, இதற்குப் பிறகே சாலை விழிப்புணர்வு “பிரச்சாரத்தில் இறங்கினேன்” என்கிற வீரமணி, தான் கற்ற மைம் கலை வழியாக, நடிப்பு மற்றும் பாவனைகளைச் செய்து, உடல் அசைவுகளைக் காட்டி, மக்களை சிந்திக்கவும், சிரிக்கவும் வைக்கிறார். வீரமணி செய்கிற பிரச்சாரம் மக்களை வெகுவாக ஈர்க்கிறது.

ஹெல்மெட் அணிந்து வாகனம் ஓட்டுவது, சீட் பெல்ட் அணிவதன் அவசியம், குடித்து விட்டு வாகனத்தை ஓட்டக் கூடாது, மொபைலில் பேசிய படி வாகனம் ஓட்டக் கூடாது, இயர்போனில் பேசிக்கொண்டு வாகனம் ஓட்டக்கூடாது, சாலை விதிகளை மதிக்க வேண்டும் என பொதுமக்களிடம் பாதகைகளை காட்டி பாவனை செய்கிற வீரமணி, எம்.என்.சி நிறுவனத்தின் வங்கி ஒன்றில் டேட்டா என்ட்ரி ஆபரேட்டராக பணியாற்றுகிறார்.

“'விபத்தில்லா இந்தியா' என்பதை என் கனவாகக் கொண்டு, கடந்த 10 ஆண்டுகளில் தொடர்ச்சியாக 500க்கும் மேற்பட்ட விழிப்புணர்வு நிகழ்ச்சிகளில் தன்னார்வலராய் பங்கேற்றதுடன், ஒரே நேரத்தில் 100 சிக்னல்களில் ஆயிரக்கணக்கான தன்னார்வலர்களோடு இணைந்து, சாலை விழிப்புணர்வு நிகழ்ச்சிகளை நடத்தியதற்காக, இந்திய சாதனைப் புத்தகத்திலும் இடம் பிடித்திருக்கிறேன். இதற்காக முதலமைச்சர் மு.க.ஸ்டாலின் அவர்களும் என்னை அழைத்துப் பாராட்டினார்.