பெண் எழுத்தாளராக இருப்பதில் கூடுதல் சவால்கள்!

தூத்துக்குடி மாவட்டத்தின் வீரபாண்டியபட்டினம் என்ற கடலோர கிராமத்தில் பிறந்து வளர்ந்த பிரிம்யா க்ராஸ்வின் அவர்கள், ஒரு ஆங்கில பட்டதாரி ஆசிரியையாக பணியில் உள்ளார்.

- பிரிம்யா க்ராஸ்வின்

ஆங்கில ஆசிரியை என்றாலும், தமிழ் மீது இருக்கும் தனிப்பட்ட ஆர்வத்தால் முதலில் கவிதைகள் எழுத தொடங்கிய இவரின் எழுத்துகள் சமூக வலைத்தளங்கள், முன்னணி அச்சு ஊடகங்கள் என்று வெளியாகி வரவேற்பையும், பாராட்டுகளையும் பெறத் தொடங்கின.

'தப்பரும்பு' என்ற இவருடைய முதல் கவிதை தொகுப்பு, எழுத்தாளர் வண்ணதாசன் அவர்களால் விருதுக்குரிய புத்தகமாக தேர்வு செய்யப்பட்டு, எஸ்.ஏ.ஆர்.நினைவு இலக்கிய விருது வழங்கி சிறப்பிக்கப்பட்டுள்ளது. அதற்கு அடுத்ததாக இந்த ஆண்டு, புத்தகக் கண்காட்சியை ஒட்டி சீரோடிகிரி பதிப்பகத்தின் வாயிலாக 'கெத்சமனி' என்ற சிறுகதைத் தொகுப்பு வெளிவந்துள்ளது. அந்தத் தொகுப்பில் இடம் பெற்றிருக்கும் ஒரு சிறுகதை, 'கானல்' அமீரகம் என்ற அமீரக அமைப்பு நடத்திய சிறுகதை போட்டியில் முதல் பரிசுக்குரியதாக தேர்வு செய்யப்பட்டு, பத்தாயிரம் ரூபாய் பரிசு பெற்றது என்பது குறிப்பிடத்தக்கது.

எழுத வேண்டும் என்ற ஆர்வம், எழுத்து பின்னணி பற்றி பிரிம்யா விவரிக்கிறார்...