உ.பி.யில் 121மரணங்கள்!

இனிய தோழர்! நலம் தானே? உத்திரபிரதேசத்தின்ஹத்ராஸ் என்கிற ஊர் சைத்தானின் கட்டுப்பாட்டில் இருக்கிறதோ என்று தான் எண்ணத் தோன்றுகிறது.

- 

அவ்வளவு கொடுமைகள், பாலியல் கொலைகள் அங்கே நடந்த வண்ணம் இருக்கின்றன. இப்போது எல்லாவற்றிலும் உச்சமாக 121 பேர் கொடூரமாக மரணத்தை தழுவி இருக்கிறார்கள். ஒரே மைதானத் தில், ஒரே சாமியார் சொற்பொழிவில், ஒரே நேரத்தில் இந்த விபரீதம் நடந்திருக்கின்றன. அதில் 112 பேர் பெண்களும் குழந்தைகளும் என்று தெரிய வருகிறது. என்ன கொடுமை இது?

போலே பாபா என்று ஒரு சாமியாராம். லட்சக்க ணக்கில் மக்கள் கூடும் நிகழ்ச்சிக்கு சத்சங்க ஏற்பாடு செய்திருக்கிறார். 80 ஆயிரம் மக்கள் வருவார்கள், காவல்துறை சும்மாசம்பிரதாயத்திற்காக வந்து நின்றால் போதும், எங்கள் சேவாதிகளே மக்களை ஒழுங்குப்படுத்தி விடுவார்கள்.எங்கள் பாபா காவல்துறையை ஓரளவுக்கு மேல் நம்ப மாட்டார்' என்று சொல்லி அனுமதி வாங்கி இருக்கிறார்கள், இவரின் பக்த கோடிகள்.

கோவிட் நேரத்தில் தேசமே லாக்டவுனில் தனிமையில் மூழ்கிக் கிடந்த போது இந்த போலே பாபா பெரிய கூட்டத்தையே திரட்டி நடத்தினார் என்று திகில் ஊட்டுகிறார்கள் வட இந்திய பத்திரிகையாளர்கள். இந்த போலே பாபா பத்திரிக்கையாளர்களை அனுமதிக்க மாட்டார். நிகழ்ச்சிகளை கவரேஜ் செய்ய எந்த மீடியாக்காரரும் உள்ளே வரக்கூடாது. சோசியல் மீடியாவிலும் வீடியோக்கள் ரீல்கள் என்று தங்களை அதிகமாக வெளிக்காட்டிக் கொள்ள மாட்டார்களாம் இந்த சாமியார் ஆட்கள். தங்களைச் சுற்றி இரும்புச் சுவர் எழுப்பி தனி ராஜ்ஜியம் நடத்தி இருக்கிறார்கள்.