നെറ്റിപ്പട്ടം പ്രൗഢിയും അലങ്കാരവും

'ഹൈന്ദവ സംസ്ക്കാരത്തിന്റെ ഭാഗമായിട്ടുള്ള ഒന്നാണ് നെറ്റിപ്പട്ടമെങ്കിലും ഇപ്പോൾ ക്രിസ്ത്യൻ സമുദായക്കാരും വീടുകളിൽ നെറ്റിപ്പട്ടം ഒരലങ്കാരമായി വയ്ക്കാറുണ്ടെന്ന് സുനിത കൂട്ടിച്ചേർത്തു

- ജി. കെ

ഉത്സവകാലമായാൽ മിക്ക ക്ഷേത്രങ്ങളിലും ആന എഴുന്നെള്ളിപ്പുണ്ടാകും. പറയെടുപ്പുണ്ടാ കും. പകൽപ്പൂരങ്ങളിൽ, പ്രത്യേകിച്ചും തൃശൂർ പൂരത്തിന് ഗജ വീരന്മാരുടെ വലിയ സംഗമം തന്നെയുണ്ട്. നിരന്നുനിൽക്കുന്ന ആനകളെ കാണാൻ എത്ര മനോഹരമാണ്. ആനകൾക്ക് ആനച്ചന്തം നൽകുന്നത് നെറ്റിപ്പട്ടമാണ്. ആനകളുടെ നെറ്റിയിൽ ചാർത്തുന്ന ആഭരണമായ നെറ്റി പട്ടത്തിന്റെ രൂപത്തിലും ഒരുക്കങ്ങളിലും ഭംഗി പകരുന്നുണ്ട ങ്കിലും അത് രൂപപ്പെടുത്തുന്നതിൽ ചില ചിട്ടവട്ടങ്ങളുണ്ട്. ഓരോ കുമിളകൾക്കും ചന്ദ്രക്കലകൾക്കും ഓരോ സങ്കൽപ്പങ്ങളുണ്ട്.

ലക്ഷ്മി, സരസ്വതി, പാർവ്വതി, മൂലഗണപതി, നവഗ്രഹ ങ്ങൾ, ത്രിമൂർത്തികൾ, വിശ്വാമിത്രൻ, അഷ്ടവസുക്കൾ തുടങ്ങിയ ദേവസങ്കൽപ്പങ്ങളുടെ ഒത്തുചേരലും കൂടിയാണ് നെറ്റി പട്ടത്തിൽ അടയാളപ്പെടുത്തുന്നത്. മുപ്പത്തിമുക്കോടി ദേവക ളേയും ഉൾക്കൊള്ളുന്ന ഒരു മഹാക്ഷേത്രമാണ് നെറ്റിപ്പട്ടമെന്നതാണ് സങ്കൽപ്പം. കേരളത്തിന്റെ തനതായ, ശ്രേഷ്ഠമായ, പ്രൗഢഗംഭീരമായ ഒരലങ്കാരച്ചാർത്തും കൂടിയാണ് നെറ്റിപ്പട്ടം. കേരള ചരിത്രത്തിന്റെ പാരമ്പര്യത്തെപ്പോലും നെറ്റിപ്പട്ടം പ്രാധാന്യത്തോടെ നിലനിൽക്കുന്നു.