കുട്ടികളിലെ ശ്വാസകോശരോഗങ്ങൾ മാതാപിതാക്കൾ അറിയാൻ

ശ്വാസകോശത്തിൽ ഉണ്ടാകുന്ന അലർജിയാണ് ആസ്ത്മയ്ക്കു കാരണം. ഇന്ന് സർവസാധാരണമായി കാണപ്പെടുന്ന ഒരു അസുഖമായി ഇത് മാറിക്കഴിഞ്ഞു.

- 

കുട്ടികളിൽ മുതിർന്നവരേക്കാൾ കൂടുതലായി ശ്വാസകോശ രോഗങ്ങൾ വർധിച്ചുവരികയാണ്. ജനിതകമായും പാരമ്പര്യമായും ജീവിതശൈലിയുമായി ബന്ധപ്പെട്ട് നിരവധി കാരണങ്ങൾകൊ ണ്ട് ഇവ ഉണ്ടാകാം. എന്നാൽ വ്യക്തമായ നിരീക്ഷണത്തിലൂടെ പല ലക്ഷണ ങ്ങളും ആരംഭത്തിലേ കണ്ടെത്തി ശ്വാസകോശ രോഗങ്ങൾ നിയന്ത്രിക്കാൻ സാധിക്കും. കുട്ടികളിൽ സാധാരണ കാണപ്പെടുന്ന ശ്വാസകോശ രോഗങ്ങൾ ഇവയാണ്.

നവജാത ശിശുക്കളിൽ

ശ്വാസകുഴലുകളുടെയോ ശ്വാസ കോശത്തിന്റെയോ വളർച്ചയിൽ ഉണ്ടാകുന്ന തകരാറുകൾ നവജാത ശിശുക്ക ളിൽ ശ്വാസോഛ്വാസത്തിന് തടസം സൃ ഷ്ടിച്ചേക്കാം. ജന്മനാൽ തന്നെ ഇത്തരം കുട്ടികൾക്ക് ശ്വസിക്കാൻ ബുദ്ധിമുട്ട് അനുഭവപ്പെടുന്നു. മാസം തികയാതെ പിറക്കുന്ന കുട്ടികളിൽ ആദ്യ ദിവസങ്ങളിൽ ശ്വാസോഛ്വാസത്തിൽ ക്രമക്കേടുകൾ അനുഭവപ്പെടാം. മസ്തിഷ്ക്കത്തിൽ സ്ഥിതി ചെയ്യുന്ന ശ്വസനകേന്ദ്രം പൂർണ വളർച്ച പ്രാപിക്കാത്തതിനാൽ ഓക്സിജൻ വലിച്ചെടുക്കാൻ ശ്വാസകോശത്തിന് കഴിയാതെ പോകുന്നു. അണുബാധയാണ് ശ്വാസകോശ രോഗങ്ങൾക്കുള്ള മറ്റൊരു കാരണം.

ബാക്ടീരിയ, ഫംഗസ്, വൈറസ് എന്നി വയെല്ലാം അണുബാധയ്ക്ക് ഇടയാ ക്കാം. ജലദോഷം, പനി, ശ്വാസംമുട്ടൽ ഇവയാണ് ലക്ഷണങ്ങൾ. ഗർഭാശയ ദ്രാവകവും കുഞ്ഞിന്റെ മലവും ശ്വാസനാളിയിലേക്ക് കടക്കുന്ന അവസ്ഥയാണ് ഏറ്റവും ഗുരുതരം.

ഗർഭ സമയത്ത് അമ്മയ്ക്ക് ഉണ്ടാകുന്ന ചില രോഗങ്ങൾ, മുലയൂട്ടുമ്പോൾ പാൽ ശ്വസന നാളത്തിൽ പ്രവേശിക്കൽ, തലച്ചോറിലെ അണുബാധ തുടങ്ങിയവയെല്ലാം കുഞ്ഞുങ്ങളിൽ ശ്വാസ തടസത്തിനു കാരണമാവാം.

ന്യുമോണിയ