ஆச்சரிய மூட்டும் இரட்டையர்கள் கிராமங்கள்!

ஒரே மாதிரி 9 பேர் இருப்பார்கள் என கூறுவதைக் கேட்டுள்ளோம். ஆனால் ஒரே மாதிரி இரட்டையர்களைத்தான் பார்த்து வியந்து இருக்கிறோம். இந்த நிலையில் சமீபத்தில் ஆந்திர மாநிலத்தில் 60 இரட்டை குழந்தைகள் ஒரே பள்ளியில் படித்து வரும் தகவல் ஆச்சர்ய செய்தியாகி உள்ளது.

- எஸ்.ரவீந்திரன்

கிழக்கு கோதாவரி மாவட்டம் ரங்கம்பேட்டை அருகே உள்ள தொட்டி குண்டா கிராமத்தில் 1995-ம் ஆண்டு முதல் இரட்டை குழந்தைகள் பிறந்து வருகின்றன. கடந்த 15 ஆண்டுகளுக்கு முன்பு அதே பகுதியை சேர்ந்த ஆசிரியர் சீனிவாஸ் என்பவர் வீடு வீடாக சென்று மக்கள் தொகை கணக்கெடுப்பு நடத்தினார். கணக்கெடுப்பில் அந்த கிராமத்தில் ஏராளமான இரட்டையர்கள் இருப்பது தெரியவந்தது.

இந்த நிலையில் கணக்கெடுப்பு நடத்திய ஆசிரியரின் மனைவிக்கும் இரட்டைக் குழந்தை பிறந்தது.

தற்போது ரங்கம்பேட்டையில் உள்ள தனியார் பள்ளியில் தொட்டி குண்டாவை சேர்ந்த 60 இரட்டை குழந்தைகள் படித்து வருகின்றனர்.

• அதேபோல் பஞ்சாப் மாநிலம் ஜலந்தர் மாவட்டத்தில் போலீஸ் டிஏவி பப்ளிக் ஸ்கூல் உள்ளது.

இந்தப் பள்ளியிலும் கிட்டத்தட்ட 60 இரட்டைக் குழந்தைகள் படித்திருக்கின்றனர்.

• கேரள மாநிலத்தில் மல்லாபுரம் மாவட்டத்தில் உள்ள கோதினி கிராம எல்லையில் உள்ள வரவேற்பு பலகையில்... இரட்டையர் கிராமம் (Twin Town) உங்களை வரவேற்கிறது என எழுதப்பட்டுள்ளது. காரணம் 280 ஜோடி இரட்டையர்கள் இந்தக் கிராமத்தில் இருக்கிறார்கள் என கூறப்படுகிறது.

ஐதராபாத் அறிவியல் மையம், லண்டன் மற்றும் ஜெர்மனி பல்கலைக்கழகம் ஆகியவற்றைச் சேர்ந்த பேராசிரியர்கள், ஒரு குழுவை அமைத்து இந்த இரட்டையர்கள் மர்மத்துக்கு விடை காண முயன்றனர்.

இரட்டையர்களின் எச்சிலை சேகரித்து அவற்றை டிஎன்ஏ சோதனைக்கு உட்படுத்தினர்.