மோடி அரசின் இந்தி,திணிப்பு...

அண்மையில்‌ ஆங்கிலேயர்‌ ஒருவர்‌ சென்னை நகர வீதியில்‌ நின்று, கடைப்பெயார்ப்‌ பலகைகளை சுட்டுக்காட்டி, 'சென்னையின்‌ முதன்மை மொழி தமிழ்‌. தமிழ்‌ உலகின்‌ மிகப்‌ பழமையான மொழி.

- பரிதி

ஆனால்‌, தமிழ்நாட்டின்‌ தலைநகரான சென்னையில்‌ கூட தமிழில்‌ பெயர்ப்பலகை இல்லை' என்று வருத்தம்‌ தெரிவித்த காணொளி வெளியானது. இதற்காக தமிழர்கள்‌ யாரும்‌ பெரிதாக வெட்கப்பட்டதாக தெரியவில்லை.

தமிழகத்தில்‌ உள்ள அரசு நிறுவனங்களில்‌ தமிழில்‌ பெயர்ப்பலகை வைக்காவிட்டால்‌, 2,000 ரூபாய்‌ அபராதம்‌ விதிக்கப்படும்‌' என, தமிழ்‌ வளர்ச்சித்‌ துறை கடந்த மாதம்‌ எச்சரித்தது.

அப்போது, சென்னை தலைமைச்‌ செயலகத்தில்‌ உள்ள அரசு துறைகள்‌, மாவட்ட கலெக்டர்‌ அலுவலகங்களில்‌ உள்ள துறைகளிலும்‌, ஆங்கிலத்தில்‌ மட்டுமே பெயர்ப்பலகைகள்‌ இடம்பெற்றுள்ளதாக குற்றச்சாட்டு எழுந்தது.

உடனே, தமிழ்‌ ஆட்சி மொழி சட்டம்‌ அனைவருக்கும்‌ பொதுவானது. அதை மீறுவது அரசு துறையாக இருந்தாலும்‌, 2,000 ரூபாய்‌ அபராதம்‌ விதிக்கப்படும்‌. அதனால்‌, உடனே தமிழில்‌ பெயர்ப்பலகையை வைக்க வேண்டும்‌. ஆங்கிலத்திலோ மற்ற மொழிகளிலோ பெயர்‌ பொறிக்க விரும்பினால்‌, தமிழ்‌, ஆங்கிலம்‌, பிற மொழியில்‌ 5:3:2 என்ற விகித அளவில்‌ எழுதிக்கொள்ளலாம்‌ என்ற பழைய பல்லவியை அதிகாரிகள்‌ பாடினர்‌. ஆனாலும்‌ இவர்கள்‌ வீரம்‌ எடுபடுமா? என்று தெரியவில்லை.

1928 முதல்‌ ஒன்றிய ஆட்சியாளர்கள்‌ திரும்பத்‌ திரும்ப இந்தியை தமிழ்‌ நாட்டில்‌ திணிப்பதில்‌ குறியாக உள்ளனர்‌. கூடாததற்கு தற்போதைய பாஜக அரசு, சமஸ்கிருதத்தையும்‌ சேர்த்து இணிக்க முயல்கிறது. புதிய கல்விக்கொள்கையில்‌, தமிழ்‌, ஆங்கிலம்‌ மற்றும்‌ இந்தியாவின்‌ ஒரு மொழி என்று சூசகமாக இந்தியை நுழைக்க நயவஞ்சக திட்டம்‌ தீட்டுகிறது.

உலகின்‌ பெரும்பாலான நாடுகள்‌ தொடக்கக்‌ கல்வியில்‌ ஒரு மொழிக்கொள்கையையே கொண்டிருக்கின்றன. அதாவது தங்கள்‌ தாய்மொழியை மட்டுமே கற்றுக்‌ கொடுக்கின்றன. நடுநிலைக்கல்வியில்‌ விரும்பினால்‌ ஆங்கிலத்தை கற்றுத்தருகின்றன.