பயணங்கள் சவாலானவை!

தமிழ் தெலுங்கு, மலையாளம் என்று மல்டி லாங்குவேஜ் நடிகையாக மிர்ணா மேனன் தடம் பதித்தாலும் 'டேக் ஆப்' ஆகாத நிலையில்... 'ஜெயிலர்' படத்தில் சிறிய கேரக்டரில் நடித்து ரசிகர்களின் கவனத்துக்குள் நுழைந்து விட்டார். சினிமாவில் என்னவாக வேண்டும் என்ற ஆசையுடன் வலம் வரும் மிர்ணாவுடன் ஒரு பேட்டி.

- மிர்ணா மேனன்

வெள்ளித்திரைக்கு எப்படி வந்தீர்கள்?

நான் பிறந்து வளர்ந்தது எல்லாம் கேரள மாநிலம் இடுக்கியில். எனக்கு மூன்று வயதாக இருக்கும் போது நடனம் அறிமுகமானது.

சினிமா பாரம்பரியம் இல்லாத குடும்பத்தைச் சேர்ந்தவள் நான். படம் பண்ணணும்னு ஆசைப்படுறேன்னு சின்ன வயசிலேயே நான் சொன்னதும், நடனம் மட்டுமே போதும்னு என் வீட்டார் சொன்னாங்க. அதனால் மென்பொருள் டெவலப்பரானேன். ஆனால் படத்தில் நான் நடித்தது முழுக்க முழுக்க எதிர்பாராமல் நடந்தது என்று தான் சொல்வேன்.