రుమా దేవి

రాజస్థాన్ కళకు ప్రపంచవ్యాప్త ప్రచారం గ్రాస్ రూట్ చేంజ్ మేకర్ ఐకాన్ అవార్డ్

- - నసీమ్ అన్సారీ •

గృ హశోభ అవార్డు ప్రదానోత్సవంలో ఎక్కువ చప్పట్లు, ప్రశంసలు అందుకున్న మహిళల్లో రుమాదేవి ఒకరు. బార్మర్ అనే ఇసుక పట్టణంలో జన్మించిన రుమా దేవి, తన అవిశ్రాంతత కృషి, పట్టుదలతో తన జీవితాన్ని అద్భుతంగా మార్చుకోవడమే కాకుండా అనేక సంవత్సరాలుగా దేశంలోని ఎంతోమంది మహిళల జీవితాలలో వెలుగు నింపుతోంది. దేశం చాలా సంవత్సరాలుగా రుమా దేవి చేసిన అద్భుతమైన పనిని గమనిస్తోంది. ఆమె పని, సామర్థ్యం, కళ చాలా గౌరవనీయమైనది. ఆమె 40 వేలకు పైగా మహిళలకు ఉపాధి కల్పించారు. రుమా దేవి 5 సంవత్సరాల వయసులో తల్లిని కోల్పోయింది. ఆ తర్వాత ఆమె తండ్రి మళ్లీ వివాహం చేసుకున్నాడు. తల్లి ప్రేమను కోల్పోయిన రుమా దేవి తన అమ్మమ్మతో నివసించింది. ఆమె చదువుకుంటూనే కుట్టు పని, ఎంబ్రాయిడరీ కళను నేర్చుకుంది. కానీ ఇంట్లో ఆర్థిక పరిస్థితి సరిగా లేకపోవడంతో, 8వ తరగతి తర్వాత ఆమె చదువు ఆపేయాల్సి వచ్చింది. ఆ తర్వాత వివాహం చేసుకున్నది. సాధారణంగా గ్రామీణ భారతదేశంలో జరిగేది ఇదే.