നഖങ്ങൾ തിളങ്ങട്ടെ

നഖസൗന്ദര്യം വർധിപ്പിക്കാം, കരുതലോടെ.. ചില പൊടിക്കൈകൾ

ജീവൻ തുടിക്കുന്ന മനോഹരമായ കൈനഖങ്ങൾ സ്വന്തമാക്കാൻ ആഗ്രഹിക്കാത്തവരില്ല. ആരോഗ്യമുള്ള ശരീരത്തിലേ ആരോഗ്യവും സൗന്ദര്യവുമുള്ള നഖങ്ങളുണ്ടാകൂ എന്നത് എപ്പോഴും ഓർമയിൽ വെക്കാം. പോഷകസമൃദ്ധമായ ആഹാരവും വ്യായാമവും കൃത്യസമയത്തെ ഉറക്കവും ശീലമാക്കുക. വിരലുകളെയും നഖങ്ങളെയും മനോഹരമാക്കി വെക്കാൻ മാനിക്യൂർ പരിചരണത്തയും ആശ്രയിക്കാം.

മാനിക്യൂർ ചെയ്യുമ്പോൾ ശ്രദ്ധിക്കേണ്ടത്

മാനിക്യൂർ ചെയ്യാൻ അംഗീകൃതമായ സ്ഥാപനങ്ങളിൽ മാത്രം പോകുക. ഉപകരണങ്ങൾ സ്റ്റെറിലൈസ് ചെയ്തതാണെന്നും വായു കടക്കാത്ത കണ്ടെയ്നറുകളിൽ സൂക്ഷിച്ചവയാണെന്നും ഉറപ്പു വരുത്തണം.

മൂർച്ചയേറിയ ഉപകരണങ്ങൾ ഉപയോഗിക്കാതിരിക്കാൻ ശ്രദ്ധിക്കണം നഖത്തിന് ചുറ്റിലുമുള്ള ക്യൂട്ടിക്കിൾ ചർമം മുറിക്കരുത്. നഖത്തിനടിയിൽ അണുബാധ വരാതിരിക്കാനാണിത്.