നെഞ്ചിടിപ്പ് കൂട്ടിയ തലയിടി

ഓരോദിവസവും ക്ലാസ്സിലെ ഓരോ കുട്ടിയുടെയും മുഖത്തേക്ക് ഒരുതവണയെങ്കിലും നോക്കാതെ ഒരധ്യാപികയ്ക്കും കടന്നുപോകാനാവില്ല...

- സുഷമ ബിന്ദു ജി. എച്ച്. എസ്. കാഷ് തേലക്കാട് മലപ്പുറം

പതിനഞ്ചു വർഷം മുമ്പാണ്. പുതിയ സ്കൂളിൽ എത്തിയിട്ട് അധികം ദിവസമായിട്ടില്ല. സ്കൂളിനടുത്ത് ഒരു വാടക വീട്ടിലാണ് താമസം. കുറച്ചുദൂരം നടക്കാനുണ്ട്. മക്കൾ മുതിർന്നിട്ടില്ല. അവരെ നോക്കാൻ ആളെ കിട്ടിയിട്ടില്ല. ഉച്ചയ്ക്ക് കുട്ടിക്ക് പാലു കൊടുക്കാൻ വീട്ടിലേക്ക് ഓടണം. ഊണു കഴിഞ്ഞ് തിരിച്ചും. വേവലാതികൾ നിറഞ്ഞൊരു കാലം.

അങ്ങനെയൊരു ഉച്ചയ്ക്കാണ് ബാബുവിനെയും കൂട്ടി ഒരു കുട്ടി സംഘം സ്റ്റാഫ് റൂമിന് മുന്നിലെത്തിയത്. സംഘമായി വരുന്നതു കണ്ടാൽ ഉറപ്പിക്കാം, എന്തോ അപകടം പറ്റിയതാണെന്ന്. സുഷമ ടീച്ചറിനുള്ള കേസാണ്. സഹ പ്രവർത്തകരിലാരോ വിളിച്ചു പറഞ്ഞു. ഞാനെണീറ്റ് അവർക്കരികിലേക്കു ചെന്നു. "ടീച്ചറേ ബാബുവിന്റെ തല അൻസാറിന്റെ തലയുമായി കൂട്ടിയിടിച്ചു. കൂട്ടത്തിലൊരാൾ വിശദീകരിച്ചു.