പത്ത് കല്പനകളുടെ ധന്യനിമിഷത്തിൽ

യഹോവ, മോശയ്ക്ക് പത്ത് കല്പനകൾ നൽകിയത് സിനായ് മലനിരകളിൽ വെച്ചായിരുന്നുവെന്നാണ് വിശ്വാസം. പുണ്യഭൂമിയായ സിനായ് മലനിരകളിലേക്ക് നീളുന്ന സഞ്ചാരം...

- G. SHAHEED

സിനായ് മലനിരകളിൽ വെച്ചായിരുന്നു യഹോവ, മോശയ്ക്ക് പത്ത് കല്പനകൾ നൽകിയത്. ആ പുണ്യഭൂമി സന്ദർശിക്കാനായി ലോകത്ത് എല്ലായിടത്തു നിന്നുമുള്ള തീർഥാടകർ ഇവിടേക്കെത്തുന്നു. സിനായ് മലനിരകൾക്കുമേൽ പ്രഭാതം പൊട്ടിവിടരുന്ന കാഴ്ച വിസ്മയകരമാണ്. മണലാരണ്യങ്ങളും പാറക്കൂട്ട ങ്ങളും നിറഞ്ഞ ദുർഘടപാതകൾ താണ്ടി ഈജിപ്തിലെ സിനായ് മലനിരകൾക്ക് മുകളിലേറി ഓരോ തീർഥാടകരും സായൂജ്യം നേടുന്നു. “ചെങ്കടലിന്റെ ആത്മാവിനെക്കുറിച്ച് അറിഞ്ഞപ്പോൾ പ്രകൃതിയുടെയും പ്രപഞ്ചത്തിന്റെയും ബിംബങ്ങൾ മനസ്സിൽ നിറഞ്ഞു. അത് പുതിയൊരു വഴിത്തിരിവായി, ചരിത്രത്തിന്റെ പടവുകളിലേക്ക് കയറി. പത്ത് കല്പനകളുടെയും മോശയുടെയും ധന്യനിമി ഷങ്ങൾ പകർന്ന് നൽകിയ സിനായ് മലനിരകളിലേക്ക് ഏതോ അദൃശ്യശക്തി ഞങ്ങളെ നയിക്കുകയായിരുന്നു. മലനിരകൾക്ക് മുകളിൽ നിന്നപ്പോൾ കേരള ഹൈക്കോടതി ജഡ്ജിയായ ബെച്ചുകുര്യൻ ജസ്റ്റിസ് തോമസും ഭാര്യ മീനുവും ജീവിതത്തിലെ അനർഘനിമിഷങ്ങളിൽ ലയിക്കുകയായിരുന്നു. സാഹസികയാത്രകൾ ഏറെ ഇഷ്ടപ്പെടുന്ന വ്യക്തിയാണ് ബെച്ചുകുര്യൻ തോമസ്. അത്തരം യാത്രയിൽ പങ്കുചേരാൻ അദ്ദേഹത്തിന്റെ പത്നി മീനുവുമുണ്ടാകും.

8,000 അടി ഉയരത്തിലാണ് സിനായ് മലനിരകൾ. മരുഭൂമിയും കൂറ്റൻ പാറക്കൂട്ടങ്ങളും നിറഞ്ഞ പാതകൾ താണ്ടിയാണ് സഞ്ചാരികൾ ഇവിടേക്കെത്തുന്നത്. വഴിയിലുടനീളം അദ്ഭുതക്കാഴ് ചകളായിരുന്നെന്ന് അദ്ദേഹം ഓർക്കുന്നു. “ഒരുതുള്ളി വെള്ളത്തിന് കൊതിക്കുന്ന മരുഭൂമിയിൽ അവിടവിടായി പ്രത്യക്ഷപ്പെടുന്ന പച്ചപ്പ് യാത്രികരെ ആകർഷിക്കുന്നു.