ഭൂമിനാഥനായി ഏകാംബരേശ്വരൻ

ഭൂമിയെന്ന സങ്കൽപത്തിൽ ഭഗവാൻ പരമേശ്വരൻ കുടികൊള്ളുന്ന ക്ഷേത്രമാണ് തമിഴ്നാട്ടിലെ കാഞ്ചീപുരത്തെ ഏകാംബരേശ്വര ക്ഷേത്രം. മണൽ ലിംഗമാണ് ഭഗവാൻ ഏകാംബരേശ്വരൻ.

തമിഴ്നാട്ടിലെ കാഞ്ചീപുരത്തെ ഏകാംബരേശ്വര ക്ഷേത്രത്തിൽ പൃഥി അഥവാ ഭൂമിയെന്ന സങ്കൽപത്തിലാണ് ഭഗവാൻ പരമേശ്വരൻ കുടികൊള്ളുന്നത്. അയോധ്യ, മധുര, മായ, കാശി, കാഞ്ചി, അവന്തി, ദ്വാരക എന്നിവ സപ്തപുരികളാണെന്നും മുക്തി തരുന്ന പുരികളിൽ മുഖ്യമായത് കാഞ്ചിയെന്നും വിശ്വസിക്കുന്നു. കാഞ്ചിയെന്ന് മനസിൽ വിചാരിച്ചാൽ തന്നെ കാശിയിൽ പോയ ഫലം ലഭിക്കുമെന്നാണ് വിശ്വാസം.

കാഞ്ചീപുരം പണ്ട് കാഞ്ചീപുരൈ എന്നാണ് അറിയപ്പെട്ടിരുന്നത്. കാഞ്ചിയിലെ കാമാക്ഷി അമ്മയാൽ പ്രതിഷ്ഠിക്കപ്പെട്ട ഭൂലിംഗം അഥവാ മണൽ ലിംഗമാണ് ഭഗവാൻ ഏകാംബരേശ്വരനെന്ന് അറിയപ്പെടുന്നത്. ഏകമെന്നാൽ ഒന്ന് ആമം എന്നാൽ മാവ് എന്ന വൃക്ഷം. ഒറ്റമാവിൻ ചുവട്ടിലിരുന്ന ഭഗവാൻ ഏകാംബരേശ്വരനായി അറിയപ്പെടുന്നു. 3500 വർഷത്തോളം പഴക്കമുള്ള മാവ് ക്ഷേത്രത്തിന് പിന്നിലുണ്ട്. മരത്തിന്റെ നാല് ശാഖകൾ നാല് വേദങ്ങളെ പ്രതിനിധീകരിക്കുന്നതായി വിശ്വസിക്കുന്നു. അതിലെ മാങ്ങകൾക്ക് നാല് വിധത്തിലുള്ള രുചിഭേദങ്ങളുള്ളതായി പറയപ്പെടുന്നു.

ക്ഷേത്രത്തിന് പിന്നിലെ ഐതിഹ്യം