எப்படி நிவேதனம் செய்வது?

இறைவனை நாம் வழிபாடு செய்கின்ற போது, இறைவனுக்கு செய்யக்கூடிய பூஜை வழிபாட்டு முறைகளை பற்றி, நமக்கு நம் முன்னோர்கள் ஒரு நெறிமுறையை வகுத்துத் தந்திருக்கிறார்கள்.

- 

அந்த வகையில், வீட்டில் உள்ள சுவாமி படங்களுக்கோ அல்லது விக்ரகங்களுக்கோ நாம் தூபம் – தீபம் செய்த பின்னர், அதாவது தூபம் என்பது சாம்பிராணி ஆகும், அதை ஸ்வாமிகளுக்கு ஆராதித்த பின்னர், நிவேதனம் செய்வதற்கு முன், தீபம் (3 திரிபத்தியால் ஸ்வாமிகளுக்கு தீபம் காட்ட வேண்டும் அல்லது ஒரே ஒரு சூடத்தை பொருத்தி ஸ்வாமிகளுக்கு ஆராதிக்கலாம்) செய்ய வேண்டும். அதன் பின் நைவேத்தியம் (நிவேதனம்) என்னும் முக்கிய வழிபாட்டு முறை உண்டு.

ஆலயங்களில் ஒவ்வொரு தெய்வங்களுக்கும் ஒவ்வொரு விதமான பிரசாதங்கள் செய்யப்பட்டு, அதனை நிவேதனம் செய்து, பின்னர் பக்தர்களுக்கு பிரசாதமாக கொடுக்கப்படுகிறது. உதாரணத்திற்கு; திருப்பதியில் லட்டு பிரசாதம் என்கிறோம், பழனி முருகனுக்கு பஞ்சாமிர்தம் – இப்படி நிவேதனம் என்பது ஒவ்வொரு ஊரிலும் பிரபலம்.