பிரிட்டனில் தற்கொலைக்கு தூண்டும் இணையத்தளங்கள்

காணாமல் போனவர்களுக்கான மக்கள் தொண்டு நிறுவனம் இவ்வாறு காணாமல் போனோரின் குடும்பங்களுக்கு ஆதரவையும் வளங்களையும் வழங்கிவருகிறது.

- இளைய அப்துல்லாஹ், லண்டன்

இங்கே பெரிய டிஜிட்டல் போட்டுகளில் காணாமல் போனவர்களின் எண்ணிக்கையை பார்வைக்கு வைத்திருக்கிறார்கள். அதனை கடந்து செல்லும் போதெல்லாம் வளர்ச்சியடைந்த நாடுகளிலும் கூட காணாமல் போவது எப்படி சாத்தியம் என்ற கேள்வி எழுவதுண்டு.

இவர்கள் பெயருக்கு தான் வெள்ளைக்காரர்கள். ஆனால் எங்களைப்போல தைரியம் இல்லாதவர்கள். சட்டென்று உடைந்து விடுவார்கள். ஓ வென்று அழக்கூடாது என்று இங்கு பாடசாலைகளில் சொல்லிக்கொடுத்தார்கள். ஆனால் துக்கம் என்று வந்து விட்டால் உள்ளத்துக்குள் குமுறி வெடித்து விடுவார்கள்.

நீண்ட காலமாக காணாமல் போனவர்கள்: மார்ச் 2022 நிலவரப்படி, 1,700 க்கும் மேற்பட்ட குழந்தைகள் மற்றும் கிட்டத்தட்ட 3,000 பெரியவர்கள் உட்பட 5,200 க்கும் மேற்பட்டவர்கள் நீண்டகாலமாக காணாமல் போன நபர்களாக உள்ளனர். ஒவ்வொரு 90 வினாடிக்கும் ஒருவர் காணாமல் போவதாகப் பொலிஸில் புகாரளிக்கப்படுகிறது. என்றால் ஆச்சரியமாக இருக்கிறதல்லவா? குழந்தைகள், பராமரிப்பில் உள்ள இளைஞர்கள், டிமென்ஷியா பிரச்சினை உள்ளவர்கள் அல்லது மனநலப் பிரச்சினைகள் உள்ளவர்கள் இவ்வாறு காணாமல் போகும் அபாயத்தில் உள்ளனர். சில தொண்டு நிறுவனங்கள் காணாமல் போனவர்களின் குடும்பங்களுக்கு ஆதரவையும் வளங்களையும் வழங்குகிறது.

தேசிய குற்றவியல் அமைப்பின் ஒரு பகுதியாக இருக்கும் இந்தப் பிரிவு, காணாமல் போனோர் வழக்குகளுக்கான தேசிய நடவடிக்கையை ஒருங்கிணைக்கிறது மற்றும் தகவல்கள் அணுகுவதற்கான மையப் புள்ளியாக இயங்குகிறது என பிரிட்டன் காணாமல் போனோர் பிரிவு கூறுகிறது.

வெவ்வேறு பின்னணிகளைச் சேர்ந்த மக்கள் காணாமல் போகிறார்கள். காணாமல் போனவர்களின் பின்னணியில் இனம், கலாசாரம், வயது, சமூகப் பொருளாதார நிலை, பாலினம், உடல் மற்றும் மனநல சவால்கள், தொழில்கள் மற்றும் அதற்கு அப்பால் உள்ள எண்ணற்ற பிற காரணிகள் இருக்கின்றன.