ப்ளஸ் 2 மாணவர்களின் மறு தேர்வுக்கு வழிகாட்டல்

நடப்பு கல்வி ஆண்டில் நடைபெற்ற பிளஸ் டூ பொதுத்தேர்வு முடிவுகள் சமீபத்தில் வெளியான நிலையில், அரசுப் பள்ளிகளில் தேர்ச்சி பெறாத மற்றும் தேர்வு எழுத வராத சுமார் 35,350 மாணவர்களுக்கு துணைத் தேர்வு எழுத உரிய வழிகாட்டல் வழங்க அனைத்து மாவட்ட கல்வி அலுவலர்களுக்கும் (DEO) பள்ளிக்கல்வித்துறை உத்தரவிட்டுள்ளது.

- 

கடந்த மே 8ஆம் தேதி வெளியான பிளஸ் டூ தேர்வு முடிவுகளில், ஏராளமான அரசுப் பள்ளி மாணவர்கள் தேர்ச்சி அடையவில்லை அல்லது பல்வேறு காரணங்களால் தேர்வுக்கு வரவில்லை. இம்மாணவர்களின் எதிர்கால நலனைக் கருத்தில் கொண்டு, ஜூன் 25ஆம் தேதி தொடங்கவுள்ள துணைத் தேர்வுகளில் இவர்கள் அனைவரும் பங்கேற்பதை உறுதி செய்ய பள்ளிக்கல்வித்துறை முக்கிய நடவடிக்கை எடுத்துள்ளது.