పుస్తకం ఎటు పోతోంది?

'పుస్తకం హస్త భూషణం' అంటూ పుస్తకం చేతిలో పట్టుకుని చదవకుండా వుండేవారిని ఎగతాళి చేయటం, పుస్తకం చేతికి ఆభరణంగా భావించటం స్థాయి నుంచి సమాజం దిగజారి పుస్తకం యిక అవసరం పుస్త లేదనే భావనలు చోటు చేసుకొంటున్నాయి. "వనిత, విత్తం, పుస్తకం పరహస్తం అయితే తిరిగిరావనే" సామెత హెచ్చరిక కూడా మరుగున పడింది.

- - జయసూర్య

'పుస్తకం హస్త భూషణం' అంటూ పుస్తకం చేతిలో పట్టుకుని చదవకుండా వుండేవారిని ఎగతాళి చేయటం, పుస్తకం చేతికి ఆభరణంగా భావించటం స్థాయి నుంచి సమాజం దిగజారి పుస్తకం యిక అవసరం పుస్త లేదనే భావనలు చోటు చేసుకొంటున్నాయి. "వనిత, విత్తం, పుస్తకం పరహస్తం అయితే తిరిగిరావనే" సామెత హెచ్చరిక కూడా మరుగున పడింది.

ఏ భాషలో అయినా అక్షరం క్షరం లేనిది. అక్షరాస్యత అంటే చదువు, చదవడం, రాయడం, గణనం తెలిసి వుండటం. అక్షర జ్ఞానం అవసరం లేని సమాజం ఆటవికం అవుతుంది. ఆధునిక మానవ ప్రగతిలో ముద్రణా యంత్ర ఆవిర్భావం తర్వాత ప్రపంచమంతటా పుస్తక ప్రచురణ విస్తృతం అయింది.

సైన్సు నుంచి సాహిత్యం వరకు పుస్తకం జీవితాలను ప్రభావితం చేస్తోంది. కొత్త విషయాలను, అనుభూతులను, జీవన విధానాలను మమేకం చేసి కొత్త ప్రపంచంలో విహరింపచేస్తుంది.

ప్రేరణలతో యువతకు లక్ష్యం, గమ్యం పుస్తకం నిర్దేశిస్తుంది. పుస్తకం ఏ ప్రక్రియ, ఏ ఇతివృత్తం అయినా మేథను కదిలిస్తుంది.

మంచి స్నేహితంగా, అంతర్గత స్రవంతి బోధిస్తుంది.

పుస్తకాల పురుగు అనే మాట కొందరికే వర్తిస్తుంది.

"చదవటం నేర్చుకోవటం దీపాన్ని వెలిగించటమే. చదివే ప్రతి అక్షరం అగ్నికణమే” అన్నారు విక్టర్ హ్యూగో.