కోరికలు తీర్చే సరస్వతి

పిల్లల అక్షరాభ్యాసానికి, విద్యాభివృద్ధికి పనచ్చిక్కాడు సరస్వతి అమ్మవారి కృప ఎంతో అవసరం.

- - యామిజాల జగదీశ్

పిల్లల అక్షరాభ్యాసానికి, విద్యాభివృద్ధికి పనచ్చిక్కాడు సరస్వతి అమ్మవారి కృప ఎంతో అవసరం. కేరళ రాష్ట్రంలో కొట్టాయం నుండి సంగనాచ్చేరి వెళ్లే దారిలో పదకొండు కిలోమీటర్ల దూరంలో సింగవనం అనే ప్రదేశానికి దగ్గర్లో పనచ్చిక్కాడు ఉంది.

దాదాపు ఆరు వందల సంవత్సరాల క్రితం కేరళలో పనచ్చిక్కాడు అనే చోట దామోదర నంబూద్రి అనే ఆయన ఉండేవారు. ఆయనకు పిల్లలు లేరు. ఆయన అక్కడున్న విష్ణువు ఆలయంలో తనకు పిల్లలు కావాలని కోరుతూ పూజలు చేస్తూ వచ్చారు.

కాలం గడుస్తూ వచ్చింది. ఓ రోజు ఆయనకు కోరికలు తీ ఓ కల వచ్చింది. ఆ కలలో “కొల్లూరు మూకాంబికా దేవాలయానికి వెళ్లి వేడుకుంటే నీ కోరిక నెరవేరుతుంది" ఓ అశరీర వాణి మాట వినిపించింది. ఆ తర్వాత దామోదర నంబూద్రి ఏటా మూకాంబికా దేవి ఆలయానికి వెళ్లి వస్తూ తనకు సంతానం కలిగించవలసిందిగా ప్రార్థించారు. ఇలా ఆయన ఓసారి కొల్లూరు వెళ్లి అంబిక సన్నిధిలో ప్రార్థించి పనచ్చిక్కాడుకి తిరిగి వస్తుంటే అప్పుడు విష్ణువు ఆలయానికి దక్షిణ దిశలో ఉన్న ఓ కోనేరు కనిపించింది.