దారి తప్పిన వసంతం !

వేసవికాలం, వర్షాకాలం, శీతాకాలాలు. వీటి కాల పరిమాణం నాలుగు నెలలు. భూమిపై సూర్యుని చుట్టూ భూమి కక్ష గ్రహణ యానానికి సంబంధించి భూమి అక్ష సంబంధ ఒంపు ఫలితంగా కాలములు ఏర్పడతాయి.

- తండ సదానందం

ప్రకృతి ధర్మమును అనుసరించి సంవత్సరానికి మూడు కాలాలుగా నిర్ణయించబడ్డాయి. అవి వేసవికాలం, వర్షాకాలం, శీతాకాలాలు. వీటి కాల పరిమాణం నాలుగు నెలలు. భూమిపై సూర్యుని చుట్టూ భూమి కక్ష గ్రహణ యానానికి సంబంధించి భూమి అక్ష సంబంధ ఒంపు ఫలితంగా కాలములు ఏర్పడతాయి. నాలుగు వందల యాభై నాలుగు కోట్ల సంవత్సరాల క్రితం భూమిపై ప్రకృతి ఏర్పడటం మొదలైంది. మొదట్లో కాలగమనం సక్రమంగానే ఉండేది. మానవుడు ప్రకృతితో చెలగాటం ఆడుతూ పర్యావరణాన్ని పాడు చేయడంతో కాలగమన చక్రం గతి తప్పింది.

ఎండాకాలంలో మండుటెండలు, శీతాకాలంలో చలి పులి, వర్షాకాలంలో వరదల బీభత్సం మానవ మనుగడను ప్రశ్నార్థకం చేస్తున్నాయి. ఉదయం 7-8 గంటలకే ఎండలు దంచేస్తున్నాయి. మధ్యాహ్నం వేళ అధిక ఉష్ణోగ్రతలు నమోదవుతున్నాయి. ఈ క్రమంలో దేశంలోని చాలా ప్రాంతాల్లో, సగటు ఉష్ణోగ్రతల కంటే ఎక్కువగా ఉంటాయని భారత వాతావరణ శాఖ హెచ్చరిస్తోంది. ఏప్రిల్, జూన్ల మధ్య ఎండ వేడిమి తీవ్రంగా ఉంటుందని శాస్త్రజ్ఞులు అంచనా.