నవ్వుల్...రువ్వుల్...

నవ్వుల్...రువ్వుల్...

- 

భయం

నాగరాజు: విష్ణూ! వారం రోజులు క్యాంపుకెళ్తున్నాను. నీకు తోడు కోసం అర్చనని రమ్మను.

విజ్జు: మీరు కంగారు పడకండి. నాకు భయం లేదు రాత్రి ఒంటరిగా పడుకోవడానికి.

నాగరాజు: నాకు భయమే. నువ్వు ఒంటరిగా ఉంటే.

వదలడం లేదు..

మురళి: నాగూ, రోజూ తాగి వచ్చి నీకు మీ ఆవిడతో గొడవ ఎందుకు? వదిలెయ్యరా!

నాగు: మా ఆవిడని వదిలేయాలనే ఉంది. కానీ అదే నన్ను వదలడం లేదు.

ఆయన కూడా..

మురళి: విష్ణూ నిన్న సినిమాకు వెళ్లాం అనుకున్నాం కదా? నువ్వు రాలేదు ఏమైంది?

విజ్జు: మా ఆయన కూడా అదే సినిమాకి టికెట్లు తెచ్చారు. అందుకే రాలేకపోయాను. సారీ మురళీ!

నేను నిద్రపోయాను

విజయ: ఏమండీ! బయట మాటలు వినిపిస్తున్నాయి. దొంగలెవరైనా వచ్చారేమో!

మురళి: ఆ... నేను నిద్ర పోయాను. నాకు ఎవరి మాటలు వినిపించడం లేదు.

చూడలేక..

రజని: విజ్జూ, మీ అత్తగారిని కుక్క కరుస్తున్నప్పుడు ఎందుకు పారిపోయావు?

విజ్జు: మా అత్తగారిని కుక్క కరవడం నేను చూడలేకపోయాను.

ప్రశ్నలు రాలేదు

నాగరాజు: ఏరా పండూ, పరీక్ష ఎలా రాసావు?

పండు: నేను చూసిన బుక్ ప్రశ్నలు రాలేదు.