అరుదైన ఆలయం

మ హాపాశుపత బంధ ఆలయాల వరుసలో రెండవది శ్రీ అగస్తేశ్వర స్వామి కొలువైన నంది వెలుగు

- ఇలపావులూరి వెంకటేశ్వర్లు

మ హాపాశుపత బంధ ఆలయాల వరుసలో రెండవది శ్రీ అగస్తేశ్వర స్వామి కొలువైన నంది వెలుగు.మొదటిదైన కొలకలూరుకు సుమారు ఆరు కిలోమీటర్ల దూరంలో ఉంటుంది. ఎంతో చరిత్ర కలిగిన ప్రదేశం. యుగాల నాటి చరిత్రకు ప్రత్యక్ష రూపం నందివెలుగు గ్రామంలోని శ్రీ అగస్తేశ్వర స్వామి ఆలయం.

పేరు వెనుక గాథ

శ్రీ అగస్త్య మహర్షి తాను ప్రతిష్టించిన లింగానికి పూజాదులు చేయడానికి స్థానిక పండితులను నియమించి వెళ్లిపోయారట.యుగాలు, తరాలు మారిపోయాయి. అలా కాలక్రమంలో ఆలయం శిథిలావస్థకు చేరుకొన్నది. ఎందరో పాలకులు ఆలయాన్ని పునఃనిర్మించారు. చివరగా చాళుక్య రాజులు ఈ ప్రాంత సందర్శనకు వచ్చారట. ఆలయ విశేషాలు విని తమ కుల గురువైన శ్రీ అగస్త్య మహర్షి

ప్రతిష్టించిన లింగానికి అరుదైన, సాటిలేని ఆలయాన్ని నిర్మించాలని నిర్ణయం చేసుకున్నారట. నిపుణులైన శిల్పులు గొప్ప ప్రభావతంగా ఆలయాన్ని నిర్మించారట.

ఆలయంలోని విశేషాలు

తూర్పు ముఖంగా నిర్మించిన ఆలయానికి దక్షిణాన ప్రవేశ ద్వారం ఉంటుంది. అక్కడ ఒక పెద్ద గణపతిని ప్రతిష్టించారట. ముఖ మండపంలో పెద్ద నందిని ఏర్పాటు చేశారు. ఉషోదయపు సూర్య కిరణాలు గణపతి విగ్రహం మీద పడినప్పుడు వినాయకుని ఉదరంలో ఉంచిన వజ్ర, రత్న మాణిక్యాల కాంతి ఎదురుగా ఉన్న నంది విగ్రహం మీద ప్రతిఫలించేవట. అప్పుడు నంది కొమ్ములలో ఉంచిన వజ్రవైఢూర్యాల కాంతి గర్భాలయంలోని లింగం మీద ప్రతిఫలించేవట.