పరీక్షలే భవిష్య రక్షలు

విద్యను గుప్త ధనంగా, విద్యను గురువుగా, విదైవంగా భావించాలని, విద్య వలన గౌరవం పెరుగుతుందని భరృహరి తన సుభాషితాల్లో విద్య ఆవశ్యకత గురించి, విద్య గొప్పదనాన్ని గురించి సవివరంగా పేర్కొనడమే కాకుండా విద్య లేని వ్యక్తిని వింత పశువుగా వర్ణించడం జరిగింది.

- సుంకవల్లి సత్తిరాజు

విద్యను గుప్త ధనంగా, విద్యను గురువుగా, విదైవంగా భావించాలని, విద్య వలన గౌరవం పెరుగుతుందని భరృహరి తన సుభాషితాల్లో విద్య ఆవశ్యకత గురించి, విద్య గొప్పదనాన్ని గురించి సవివరంగా పేర్కొనడమే కాకుండా విద్య లేని వ్యక్తిని వింత పశువుగా వర్ణించడం జరిగింది. ఎంతో మంది కవులు విద్య యొక్క ప్రాశస్త్యాన్ని వివరిస్తూ తమ పద్యాల ద్వారా సమాజాన్ని మేల్కొలపడానికి ప్రయత్నించారు.

విద్య వలన దేశం అభివృద్ధి చెందుతుంది. విద్య లేని సమా జం అంధకారబంధురంగా మారుతుంది. ఇనుమును అగ్నిలో కాల్చితేనే ఆయుధంగా మార్చగలం. బంగారాన్ని కరిగించి ఆభరణంగా మార్చాలంటే నిప్పులో కాలాలి. బంగారు పళ్ళాని కైనా గోడ ఆసరా కావాలి. అలాగే మనలో ఎన్ని తెలివితేట లున్నా, వాటిని వెలికి తీసి, బహిర్గతం చేసి, సక్రమంగా వినియోగిస్తేనే సమాజానికి ఉపయోగం. ఇనుమునైనా, మనిషి మెదడునైనా వినియోగించకపోతే నిరుపయోగంగా మారక తప్పదు. ఇనుముకు తుప్పు పట్టినట్లు, ఆలోచనలు జ్వలించని మనిషి మెదడు నిర్వీర్యంగా మారక తప్పదు. అజ్ఞానంలో మునిగి తేలితే అంధకారం వ్యాపిస్తుంది. జ్ఞాన జ్వాలలో ఓలలాడితేనే మస్తిష్కం ఒక అమృత భాండాగారమవుతుంది.జ్ఞానం అనంతమైనది. అనంతమైన జ్ఞానసాగరాన్ని మధించి కొంతైనా మన మస్తిష్కాన్ని సానబెట్టాలి. అనంతమైన జ్ఞానం కేవలం ఒక అక్షరంతోనే ఆరంభమవుతుంది. అక్షరాలు పదాలు గా, పదాలు వాక్యాలుగా, వాక్యాలు పాఠాలుగా, పుస్తకాలుగా రూపాంతరం చెంది జ్ఞానానికి సోపానాలుగా మారతాయి.పుస్తకం మస్తకాన్ని చైతన్యవంతం చేసే ఆయుధం. ఆలోచన లను రగిలించి, పరిశీలనాత్మక దృక్పథాన్ని పెంపొందించి సమాజాభివృద్ధికి ఉపకరించే ఏకైక సాధనం విద్య. అలాంటి విద్యను నిర్లక్ష్యం చేస్తే, అభివద్ధికి ప్రజలను దూరం చేస్తే జన జీవితాలు అతలాకుతలమైపోతాయి. అజ్ఞానం ప్రబలి, అస్తవ్యస్థ అయోమయ పరిస్థితులు దాపురిస్తాయని చెప్పడానికి అనేక ఉదాహరణలున్నాయి. విద్యను ప్రజలకు దూరం చేసిన దేశాల పరిస్థితులు ఎలాఉన్నాయో ప్రత్యేకంగా చెప్పనవసరం లేదు.

పరీక్షలు భవితకు సూచికలు