యాప్ యోగా..

శరీరాన్ని, మనసును సంయోగం చేసి సంపూర్ణ ఆరోగ్యాన్ని చేకూర్చటానికి యోగా బాగా ఉపయోగపడుతుంది.

- 

శరీరాన్ని, మనసును సంయోగం చేసి సంపూర్ణ ఆరోగ్యాన్ని చేకూర్చటానికి యోగా బాగా ఉపయోగపడుతుంది. దీనిలో భాగమైన ఆసనాలు శరీరం బలంగా ఉండటానికి.. కండరాలు, కీళ్లు సాఫీగా కదలటానికి తోడ్పతాయి. అలాగే పొట్టలోని అవయవాలను సున్నితంగా మర్దన చేస్తాయి. ఇలా శారీరకంగా ఆరోగ్యంగా ఉండటానికి, జబ్బుల నివారణకు ఆసనాలు దోహదం చేస్తాయి.

ఇక ధ్యానం, ప్రాణాయామాలేమో మానసిక ప్రశాంతతకు, కంటి నిండా నిద్ర పట్టటానికి తోడ్పడతాయి. అదే సమయంలో ఆధ్యాత్మిక సాధనకూ ఉపయోగపడతాయి. అయితే యోగా విషయంలో చాలామంది చేసే పొరపాటు సరైన పద్ధతిని పాటించకపోవటం, కొద్దిరోజులు సాధన చేసి మానెయ్యటం చేస్తుంటారు. మరి ఇలాంటి అడ్డంకులను దాటి, రోజువారీ జీవితంలో యోగాను ఒక భాగంగా మలచుకోవాలంటే? యాప్ల సాయం తీసుకోవచ్చు. ఇప్పుడు దాదాపు అంతా స్మార్ట్ఫోన్లు వాడుతున్న నేపథ్యంలో ఇవి అనుక్షణం చేదోడుగా నిలుస్తాయ నటంలో సందేహం లేదు. అలాంటి కొన్ని యాప్లు.

ప్రయోగ: యోగా చేసే పద్ధతులను సూచించటం దీని ఉద్దేశం. వాచ్ఎస్, ఐఓఎస్ టెక్నాలజీ సాయంతో పనిచేసే ఇది పలు వీడియో, ఆడియోల ద్వారా మార్గ నిర్దేశం చేస్తుంది.యాపిల్ వాచ్ ని ఎంఎల్, విజన్ ఆధారిత బాడీ | మానిటరింగ్ ట్రాక్స్ సాయంతో శరీరంలోని 17 కీళ్ల కదలికలను పసిగడుతుంది. వీటి కదలికనులను బట్టి ఆసనాలు ఎలా వేస్తున్నారో విశ్లేషిస్తుంది. తప్పుగా చేస్తుంటే వెంటనే సరిదిద్దుకోవాలని చెబుతుంది. ఎలా సరిదిద్దుకోవాలో చూపిస్తుంది కూడా.