వాస్తువార్త

వసారాలు ఎటువైపు ఉండాలి?

- సాయిశ్రీ డా॥ దంతూరి పండరినాథ్

వాస్తు విద్వాన్ సాయిశ్రీ డా॥ దంతూరి పండరినాథ్ 3-2-4, కింగ్స్ వే, సికింద్రాబాద్ సెల్స్ : 9885446501/9885449458

కె. కామాక్షి - పరిగి

ప్రశ్న: వసారాలు ఎటువైపు? జవాబు: వాలు వసారాలు తూర్పు, ఉత్తరాల్లో ఉండవచ్చు. తూర్పున వాలు వసారా వున్నప్పుడు పశ్చిమాన కూడా వుండవచ్చు. అలాగే ఉత్తరాన వున్నప్పుడు దక్షిణాన కూడా వుండవచ్చు. తూర్పున లేకుండా పశ్చిమాన మాత్రమే ఉండకూడదు. అలాగే ఉత్తరాన లేకుండా కేవలం దక్షిణాన వుండకూడదు. వాలు వసారాలు ఇంటిపై స్లాబు కంటే తక్కువ ఎత్తు నుండి ప్రారంభం కావాలి. వాలు వసారా ఎప్పుడూ మధ్యలో ఆగిపోకూడదు. ఏ | గోడ మీద వాలు వసారాను వేస్తున్నామో ఆ గోడకు ఆ చివర నుండి ఈ చివర వరకు వేయాలి. గోడ నిడివి కంటే తగ్గించటం లేదా పొడిగించటం కూడా సరైన పద్దతి కాదు.

ప్రత్యామ్నాయం ?

ఎస్.మాణిక్యం - నిడదవోలు

ప్రశ్న: మేం అద్దె ఇంట్లో ఉంటున్నాం. మా ఇల్లు వాస్తు ప్రకారం లేదు. వాస్తు ప్రకారం మార్పులు చేయించేందుకు కూడా వీలు లేకుండా వుంది. దీనికి ఇంటి యజమానులు ఒప్పుకోకపోవచ్చు. మమ్మల్ని ఏం చేయమంటారు?

జవాబు: ఏ ఇల్లూ పూర్తిగా వాస్తుకు అనుగుణంగా ఉండదు. ఎక్కువ శాతం వాస్తు పరంగా వుండేట్లు జాగ్రత్త పడితే చాలు. ఎలా జాగ్రత్త పడాలో మీరు నిర్ణయించుకోవచ్చు.