பத்தும் நிஸன்க அபார சதம்

சதத்தை தவறவிட்ட சந்திமல் பங்களாதேஷைவிட 43 ஓட்டங்களால் இலங்கை முன்னிலை

- (எஸ்.எஸ்.சி. அரங்கிலிருந்து நெவில் அன்தனி)

இலங்கை - பங்களாதேஷ் அணிகளுக்கு இடையில் கொழும்பு எஸ்.எஸ்.சி. விளையாட்டரங்கில் நடைபெற்றுவரும் இரண்டாவது டெஸ்ட் கிரிக்கெட் போட்டியில் பெத்தும் நிஸ்ஸன்க குவித்த அபார சதம், தினேஷ் சந்திமால் குவித்த அரைச் சதம் ஆகியவற்றின் பலனாக இலங்கை பலமான நிலையை நோக்கி நகர்ந்துள்ளது.

பங்களாதேஷை முதல் இன்னிங்ஸில் 247 ஓட்டங்களுக்கு கட்டுப்படுத்திய இலங்கை, நேற்றைய இரண்டாம் நாள் ஆட்டம் போதிய வெளிச்ச மின்மை காரணமாக குறிப்பிட்ட நேரத்தைவிட 10 நிமிடங்களுக்கு முன்னர் நிறுத்தப்பட்டபோது 2 விக்கெட்களை இழந்து 290 ஓட்டங்களைப் பெற்றிருந்தது. இதன்படி முதல் இன்னிங்ஸில் மேலும் 8 விக்கெட்கள் மீதம் இருக்க பங்ளாதேஷைவிட 43 ஓட்டங்களால் இலங்கை முன்னிலையில் இருக்கிறது.

தனது 18 ஆவது டெஸ்ட் போட்டியில் விளையாடும் ஆரம்ப வீரர் பெத்தும் நிஸ்ஸன்க அபார ஆற்றலை வெளிப்படுத்தி லஹிரு குமாரவுடனும் தினேஷ் சந்திமாலுடனும் பெறுமதியான இணைப்பாட்டங்களை ஏற்படுத்தியதுடன் தனது 4ஆவது டெஸ்ட் சதத்தைக் குவித்து அச த்தினார்.