TCMS, nag-uwi ng pilak na medalya sa finals ng GPSOA 5x5 Secondary Basketball Boys

Nagtapatan ang koponan ng Thy Covenant Montessori School (TCMS) at HSL Braille College para sa GPSOA 5x5 Secondary Basketball Boys Finals na ginanap sa MGC New Life Christian Academy, Taguig City noong Disyembre 30, 2024.

- Ni ANGEL MAE P. LOPEZ

Unang manlalaro ng TCMS sina Kurt Larroza, Hans Flores, Shan Saplan, Gian De Pane, at Amyr Tablante, habang sina Lebron Toledo, Alfred Rido, John Padua, Mark Magdadaro, at Isiah Magaluna naman para sa HSL Braille College.

Sa simula ng tapatan ng TCMS at Braille, mabilis na naangkin ng Braille ang unang bola. Ngunit sa isang iglap, agad itong nakuha ng TCMS na hindi nagsayang ng oras at agad itong sinubukang i-shoot na nagbigay sa grupo ng una nitong puntos.

Nagkaroon naman ng pasahan ng bola sa pagitan ng Braille na kalauna'y nagbigay sa kanila ng daan para manguna sa laban sa iskor na 8:2.

Sa pagpapatuloy ng laro, sinimulan ni Flores na magpakitang-gilas gamit ang kaniyang sariling estilo. Gayunpaman, nanguna pa rin ang Braille sa puntos na 13:9.

Sa kabila nito, nagpatuloy pa rin ang determinasyon ng TCMS na manalo sa pamamagitan ng maliliksing galaw at mga agresibo, ngunit maingat, na atake.