செயற்கை நுண்ணறிவு தந்த வெற்றி

செயற்கை நுண்ணறிவு மெல்ல மெல்ல அதன் பிடியை மனிதனின் வாழ்க்கையில் வலுப்படுத்திக் கொண்டு வருகிறது. மனிதர்களைப் போல யோசித்து மனிதர்களுக்கான தீர்வுகளைக் கண்டறியும் செயற்கை நுண்ணறிவைப் பலரும் பயன்படுத்தி வருகின்றனர்.

- கீர்த்திகா ரவீந்திரன்

செயற்கை நுண்ணறிவின் துணையுடன் செய்ய முடியாதது எதுவுமில்லை என்று சொல்லும் பலர் நம்மிடையே உண்டு. அப்படி ஒருவரின் கதை இது.

திருமண வாழ்க்கையின் விளிம்பை எட்டிய 30 வயது திருவாட்டி ஸஃபினா களிப்புல்லாவுக்குச் செயற்கை நுண்ணறிவு உற்றத் துணையாக மட்டுமல்ல ஒரு சட்டத் துணையாகவும் மாறியது.

2023 டிசம்பர் மாதத்தில் ஸ்ஃபினாவின் மணமுறிவுக்கான நடைமுறைகள் தொடங்கின.

நீதிமன்ற நடைமுறையின்கீழ் மணமுறிவுக்கு மனு தாக்கல் செய்யும் தம்பதிகள் கட்டாய திருமண ஆலோசனைக்கும் கலந்துரையாடலுக்கும் செல்ல வேண்டும். டும். தொடக்கத்தில் அனைத்தும் சுமுகமாக இருந்தது. ஆனால், கலந்துரையாடல் கட்டத்துக்காக தாம் நியமித்த வழக்கறிஞரால் பெரிய அளவில் பயனில்லை என்று ஸஃபினாவுக்குத் தோன்றியது. வழக்கிலும் எந்த முன்னேற்றமும் இல்லை என உணர்ந்தார் அவர்.

ஒரு கட்டத்தில் "என் வழக்கை நானே பார்த்துக் கொள்ள முடிவு செய்தேன். வழக்கறிஞருக்கு விடைகொடுத்தேன்," என்று கூறிய ஸஃபினா தமது அனுபவத்தைத் தமிழ் முரசிடம் பகிர ஆரம்பித்தார்.

ஸஃபினா வழக்கறிஞரும் அல்ல. சட்டத்துறையில் அவருக்கு முன்பின் அனுபவமும் கிடையாது. தம்மை வழிநடத்தும் சட்ட ஆலோசகராக ஸ்ஃபினா 'ஓப்பன்ஏஐ' (OpenAI) நிறுவனத்தின் 'சேட்ஜிபிடி' செயற்கை நுண்ணறிவுத் தொழில்நுட் பத்தை நியமித்தார்.

நீதிக்கான நவீன வழிகாட்டி