இணைய விளையாட்டில் பணத்தை இழக்கும் இந்திய இளையர்கள்

அண்மையில் தான் இந்தியாவில் இணையம் வழி நடைபெறும் சூதாட்டம், பணம் செலுத்தி விளையாடும் விளையாட்டுகளுக்குத் தடை விதிக்கப்பட்டது. இதனால் ஏராளமானோர், அடுத்து என்ன செய்யலாம் எனக் கையைப் பிசைந்து கொண்டிருக்கிறார்கள்.

- சதீஷ் பார்த்திபன்

இணைய விளையாட்டுகள் மூலம் மாதந்தோறும் இந்திய இளையர்கள் 10,000 கோடி ரூபாய் செலவிடுவதாகத் தெரிகிறது.

இந்த நிதியாண்டில் மட்டும் 1.20 லட்சம் கோடி ரூபாய்க்கு ஒருங்கிணைந்த கட்டண இடைமுகம் (Unified Payments Interface - UPI) மூலம் பணப்பரிமாற்றம் நடந்துள்ளது.

இந்தியாவில், மும்பை மாநகரம்தான் இணைய விளையாட்டுகளில் முதல் இடத்தில் உள்ளது. அடுத்தபடியாக பெங்களூரு, டெல்லி ஆகியவை உள்ளன. 13 முதல் 40 வயதுக்கு உட்பட்டவர்கள்தான் இணைய விளையாட்டுகளில் அதிக ஆர்வம் காட்டுகின்றனர்.

இணைய விளையாட்டுகளில் பல வகைகள் இருந்தாலும், ‘ஃபேன்டசி கேம்ஸ்’ எனப்படும் கற்பனையுடன் கூடிய விளையாட்டுகளில்தான் பெரும்பாலானோர் ஈடுபடுகின்றனர்.

இணைய விளையாட்டுகளுக்கு மாதந்தோறும் இந்திய இளையர்கள் ரூ.10,000 கோடி ரூபாய் செலவிடுவதாகத் தெரிகிறது.

“ஆனால், இணைய விளையாட்டுகள் கற்பனை அடிப்படையில் உருவானவையே தவிர, அந்தச் சூதாட்டச் செயலியால் ஏராளமானோர் உயிரை மாய்த்துக் கொண்டது உண்மை.

“எனவே, நாட்டின் பொருளியலைக் காப்பாற்றுவதுடன், இளைஞர்களின் எதிர்காலத்தையும் பாதுகாக்க வேண்டிய கடமை அரசாங்கத்துக்கு உள்ளது,” என்கிறார்கள் சமூக ஆர்வலர்கள்.