பாதுகாப்பு பலப்படுத்தப்பட்டும் தொடரும் ஆர்ப்பாட்டங்கள்

இந்தோனீசியாவில் தலைவிரித்தாடும் ஆர்ப்பாட்டங்களை முறியடிக்க அந்நாட்டு அரசாங்கம் பாதுகாப்பை பலப்படுத்தியும் ஆர்ப்பாட்டக்காரர்கள் அடங்குவதாக இல்லை.

- 

அவர்களுக்கு எச்சரிக்கை விடுத்து அவர்களை முறியடிக்கும் வகையில் நேற்று முன்தினம் (ஆகஸ்ட் 31) நாடாளுமன்றக் கட்டடத்தைப் பாதுகாக்க, கட்டடத்துக்குக் கவசங்களுடனான கார்களையும் மோட்டார் சைக்கிள்களையும் காவல்துறை அனுப்பிவைத்தது.

இந்தோனீசியாவெங்கும் பாதுகாப்பு பலப்படுத்தப்பட்டபோதிலும், ஆர்ப்பாட்டக்காரர்கள் விடுவதாக இல்லை. நேற்று (செப்டம்பர் 1) ஆயிரக்கணக்கான ஆர்ப்பாட்டக்காரர்கள் ஆர்ப்பாட்டத்தில் இறங்கினர்.

குறைந்தது 300 பல்கலைக்கழக மாணவர்கள் தலைநகர் ஜகார்த்தாவில் உள்ள நாடாளுமன்றக் கட்டடத்துக்கு வெளியே பதாகைகளை ஏந்திக்கொண்டு அரசாங்கத்துக்கு எதிராக முழக்கமிட்டனர்.