“இந்தியாவின் சாதனைகளால் நாம் மகிழ்ச்சியடைகிறோம்”

சுதந்திரதினம் என்பது சுதந்திரத்தின் கொண்டாட்டம் மட்டுமல்ல, ஜனநாயகம் மற்றும் முன்னேற்றத்தின் மதிப்புகளைப் பாதுகாக்க அயராது உழைத்த மக்களின் ஒற்றுமையை நினைவூட்டுவதாக சுட்டிக்காட்டிய சுகாதார மற்றும் வெகுஜன ஊடக அமைச்சர் நளிந்த ஜெயதிஸ்ஸ, இந்தியாவின் சாதனைகள் குறித்து இலங்கையர்களாகிய நாம் மகிழ்ச்சியடைகிறோம் என்றும் கூறினார்.

- 

இந்தியாவின் 79ஆவது சுதந்திர தினத்தைக்கொண்டாடும் வகையில் இலங்கை இந்திய சங்கத்தால் ஒரு கலாசார நிகழ்ச்சி மற்றும் இரவு விருந்தும் ஏற்பாடு செய்யப்பட்டு இருந்தது.

இந்தியாவிற்கும் இலங்கைக்கும் இடையிலான பிரிக்க முடியாத உறவுக்கும், எதிர்கால ஒத்துழைப்புக்கும் அத்துடன், இரு நாடுகளுக்கும் இடையிலான நட்பை உறுதிப்படுத்தும் வகையில், இலங்கை இந்திய அரசாங்கத்திற்கும் மக்களுக்கும் தனது வாழ்த்துக்களைத் தெரிவித்து கொண்டார்.

இந்தியாவின் 79ஆவது சுதந்திர தினத்தைக் கொண்டாடுவதற்காக இலங்கை - இந்திய சங்கத்தால் (The Sri Lanka - India Society) ஏற்பாடு செய்யப்பட்ட கலாசார நிகழ்ச்சி மற்றும் இரவு விருந்தும் தாஜ் சமுத்ரா ஹோட்டலில் திங்கட்கிழமை (15) மாலை சுகாதார மற்றும் ஊடக அமைச்சர் டாக்டர் நளிந்த ஜெயதிஸ்ஸ தலைமையில் நடைபெற்றது.

இலங்கைக்கான இந்திய உயர்ஸ்தானிகர் சந்தோஷ் ஜா மற்றும் திருமதி.தனுஜா ஜா ஆகியோரின் அழைப்பின் பேரில் அமைச்சர் இந்த நிகழ்ச்சியில் பங்கேற்றார்.