கலவை முறைக் கற்றலின் பயன்படுதன்மையும் சவால்களும்

இன்றைய நவீன உலகில் பொருளாதாரம், கலாசாரம், தொழில்நுட்பம் போன்ற பல்வேறு துறைகளில் பாரிய மாற்றங்கள் நடை பெற்று வருகின்றன.

- ரி.எல். றைசுடீன்

இம்மாற்றங்களுக்கு அடிப்படையாய் கல்வித்துறையில் ஏற்படுத்தப்படும் மாற்றங்கள் முக்கியத்துவம் வாய்ந்தவையாகும். இது அறிவுசார் துறைகளில் மாத்திரமன்றி, கற்பித்தல் முறைகள், கல்வித் தொழில்நுட்பம் என்பவற்றிலும் மாற்றம் ஏற்படுத்தப்பட்டு வருவது உலகறிந்த உண்மையாகும்.

21ஆம் நூற்றாண்டில் ஏற்படுத்தப்படும் பூகோளவியல் கல்வி மாற்றத்திற்கு ஏற்ப இலங்கையிலும் 2026ஆம் ஆண்டு முதல் புதிய கல்வி மறுசீரமைப்பு நடை பெறுவதற்கான முன்னெடுப்புக்கள் நடைமுறைப்படுத்தப்பட்டு வருகின்றன.

இக்கல்வி மறுசீரமைப்பு செயற்பாட்டினூடாக இலங்கையின் கல்வித்துறையில் பாரிய மாற்றங்கள் நிகழும் என தேசிய கல்வி ஆணைக்குழு, கல்வி அமைச்சு, தேசிய கல்வி நிறுவகம், கல்வியலாளர்கள் என பலர் முன்மொழிகின்றனர். இதில்

போன்ற பல்வேறு மாற்றங்களை உள்ளடக்கியதாக அதன் வடிவமைப்பாளர்கள் தெளிவூட்டல்களை வழங்கி வருகின்றனர். இது இவ்வாறிருக்க இதற்கு முன்னரும் இவ்வாறான கல்வி மறுசீரமைப்பு மாற்றங்கள் ஏற்படுத்தப்பட்ட போதிலும், அவை தோல்விகளை தழுவியுள்ளது. இவ்விடயம் தொடர்ந்து அளவளாவப்பட்ட போதிலும், இதன் சாத்தியப்பாடுகள், அமுல்படுத்தப்படும் போது, ஏற்படும் பிரச்சினைகள், ஆசிரியர்கள் இதனை கையாழும் திறன், பாடசாலையிலுள்ள வளங்கள், பெற்றேரின் பங்களிப்பு என்பவற்றில் இதன் வெற்றி தங்கியுள்ளமை முன்னர் கற்ற அனுபவத்தின்படி, வெற்றிக்கனி சவாலாக மாறுவதற்கே வாய்ப்புகள் அதிகம் உண்டு.