“பிரதி பாதுகாப்பு அமைச்சரை நீக்கவே வேண்டும்”

பாதுகாப்பு பிரதி அமைச்சர் அருண ஜெயசேகரவுக்கு எதிராக, நம்பிக்கையில்லாப் பிரேரணையை சபாநாயகரிடம், செவ்வாய்க்கிழமை(12) அன்று கையளித்த எதிர்க்கட்சியினர் ஈஸ்டர் ஞாயிறு தாக்குதல்கள் குறித்து பாரபட்சமற்ற விசாரணையை உறுதி செய்ய பாதுகாப்பு அமைச்சரை நீக்க வேண்டும் என வலியுறுத்தியுள்ளனர்.

- 

நம்பிக்கையில்லாப் பிரேரணை கையளித்ததன் பின்னர் ஊடகங்களுக்கு கருத்துரைத்த போதே மேற்கண்டவாறு தெரிவித்தனர். கையளிக்கப்பட்ட நம்பிக்கையில்லாப் பிரேரணையில், (1) உயிர்த்த ஞாயிறு தாக்குதலின் சதியின் அடித்தளமாகக் கருதப்படும் 2018 அரசியலமைப்பு விரோத சதியின் போது அதாவது 2018 நவம்பர் மாதத்தில் 17வது பாதுகாப்புப் படைப் பிரிவு (கிழக்கு) கட்டளைத் தளபதியாக அருண ஜயசேகர நியமிக்கப்பட்டதால், அதன் பிரகாரம் அவர் பாதுகாப்புப் படைப் பிரிவின் (கிழக்கு) கட்டளைத் தளபதியாகப் பதவியைப் பொறுப்பேற்றதாலும்; (2) உயிர்த்த ஞாயிறு தாக்குதல் தொடர்பான விசாரணைகளில் முக்கியமான தகவல்கள் பலவற்றை வெளிப்படுத்தி சந்தேக நபர்களைக் கைது செய்யும் வவுணதீவு பொலிஸ் காவலரணில் இலங்கை பொலிஸ் கான்ஸ்டபிள்கள் இருவரின் கொலை நடந்த சந்தர்ப்பத்தில் அருண ஜயசேகர அவர்கள் பாதுகாப்புப் படைப் பிரிவின் (கிழக்கு) கட்டளைத்தளபதியாக பணியாற்றியதாலும்; (3) உயிர்த்த ஞாயிறு தாக்குதலின் தீர்மானமிக்க நிகழ்வான சாய்ந்தமருது பொலிவேரியன் கிராமத்தின் சம்பவம் தடந்த சந்தர்ப்பத்தில் கௌரவ அருண ஜயசேகர அவர்கள் பாதுகாப்புப் படைப் பிரிவின் (கிழக்கு) கட்டளைத் தளபதியாக பணியாற்றியதாலும்; (4) உரிய சம்பவம் தொடர்பில் விசாரணை தடத்தும் குற்றப் புலனாய்வுத் திணைக்களம் கொழும்பு கோட்டை நீதவான் நீதிமன்றத்திலிருந்து இலங்கை இராணுவத்தின் சிலருக்கு எதிராக வெளிநாட்டுப் பயணத் தடையைப் பெற்றுள்ளதாலும்; (5) கட்டுவாப்பிட்டி தேவாலயத்தின் குண்டுதாரி ஹஸ்துன் என்பவரின் மனைவி என அழைக்கப்படும் சாரா ஜஸ்மின் மறுபெயர் புவஸ்தினி மஹேந்திரன் சாய்ந்தமருதுவில் குறித்த இடத்தில் இருந்ததாகவும், குண்டு வெடித்த பின்னரும் அவர் உயிருடன் இருந்ததாகவும் சஹ்ரானின் மனைவி பாத்திமா ஹாதியா தெரிவித்துள்ளதால், குற்றப் புவனாய்வுத் திணைக்களமும் அவர் இறந்துவிட்டதாகக் கூறப்பட்ட சம்பவம் சந்தேகத்துக்குரியது என்று தெரிவித்துள்ளதாலும்; (6) உரிய சாய்ந்தமருது சம்பவம் தொடர்பில் இப்போது விசாரணையைத் தொடங்கி, இராணுவத்தின் அப்போதைய நடவடிக்கைய