Jong onnie kort nier ... en hulp

Nierversaking is onlangs by Alezade Brink, 'n 27-jarige onderwyseres van Redelinghuys, gediagnoseer en sy worstel met dié ernstige probleem.

- David Rossouw

Alezade benodig dringend 'n nieroorplanting. Haar ma, Denise Brink, is 'n geskikte skenker, maar die operasie sal meer as R100000 kos - 'n bedrag wat ver buite die gesin se vermoë is.

Intussen ondergaan Alezade twee keer per week dialisebehandeling in Vredenburg. Hierdie behandeling, saam met die reiskoste, plaas 'n geweldige finansiële las op haar en haar familie. Die brandstofkoste alleen beloop sowat R1200 per week. Sy is tans besig met finale toetse ter voorbereiding op die oorplanting.