1700 దాటిన మయన్మార్ మరణాలు

ముమ్మరంగా రెస్క్యూ ఆపరేషన్

- 

న్యూఢిల్లీ : మయన్మార్ భూకంప విలయంలో మరణించిన వారి సంఖ్య 1700 దాటింది. ఈ ఘటనలో దాదాపు 3,400 మంది గాయపడ్డారు. ఇంకా 300మంది ఆచూకీ తెలియరాలేదని అధికారులు పేర్కొన్నారు. శిథిలాల కింద చిక్కుకున్న వేలాది మందిని రక్షించేందుకు పెద్దఎత్తున సహాయక చర్యలు ఇంకా కొనసాగుతున్నాయి. భూకంపం వచ్చి రెండు రోజులు గడుస్తున్న నేపథ్యంలో శిథిలాల కింద చిక్కుకుపోయిన వారి పరిస్థితిపై ఆందోళన కొనసాగుతోంది. మరోవైపు అనేక ప్రాంతాలకు సహాయక బృందాలు చేరలేదని సమాచారం. దీంతో మృతుల సంఖ్య భారీగా ఉండొచ్చని అంచనా. ఇదిలా ఉండగా, వీధుల్లో మృతదేహాలు కుళ్లిపోతుండటం వల్ల దుర్గంధం మొత్తం వ్యాపిస్తున్నట్లు సమాచారం.