వర్సిటీ పేరు మార్పు ఎవరికీ వ్యతిరేకం కాదు

తొలి తరం తెలంగాణ పోరాట యోధుడు సురవరం పేరు పెడుతున్నాం చర్లపల్లి రైల్వే టర్మినల్ కు పొట్టి శ్రీరాములు పేరు తేల్చి చెప్పిన సీఎం రేవంత్

- 

తెలంగాణ బ్యూరో, ప్రతినిధి: తెలుగు యూనిర్సిటీ పేరు మార్పుపై ముఖ్యమంత్రి రేవంత్ రెడ్డి స్పష్టతనిచ్చారు. పొట్టి శ్రీరాములు పేరును మార్చినంత మాత్రనా ఆయన త్యాగాలను తక్కువ చేసినట్లు కాదని అన్నారు.తెలుగు వర్సిటీకి పొట్టి శ్రీరాములు పేరుకు బదులు సురవరం ప్రతాపరెడ్డి పేరు పెడుతున్నామని ముఖ్యమంత్రి రేవంత్ రెడ్డి తెలిపారు. పొట్టి శ్రీరాములు వర్సిటీ పేరు మార్పు బిల్లును మంత్రి దామోదర రాజనర్సింహ సభలో ప్రవేశపెట్టారు. ఈ సందర్భంగా ముఖ్యమంత్రి మాట్లాడుతూ.. తెలుగు విశ్వ విద్యాలయానికి పొట్టి శ్రీరాములు పేరును తొలగిస్తూ సురవరం ప్రతాప్ రెడ్డి పేరు పెట్టాలని రాష్ట్ర గత శాసనసభ సమావేశాల్లో సభ దృష్టికి వచ్చిందన్నారు.