Sarado na ang sabungan, pero bukas pa ang bulsa

SA wakas, ipinagbawal na ang online sabong sa Pilipinas. Sa botong 162-2, pinagtibay ng Kamara ang panukalang batas na magpapawalang-bisa sa lahat ng permit, lisensya, at operasyon ng e-sabong. Magmula sa araw ng pagpapatupad nito, walang sinuman ang maaaring magpatuloy sa ganitong negosyo—at kung susuway, kulong, multa, at diskwalipikasyon sa serbisyo publiko ang kapalit.

- NI BUTCH M. QUEJADA

Sabi nga, Mainam. Mabuti. Pero masyadong huli!

Habang ang taumbayan ay matagal nang nilamon ng e-sabong—may nawawala, may nalululong, may nagpapakamatay—tila abala naman ang ilang ahensiya sa pagbibilang ng kita. Hindi kailangang magpangalan. Pero ang tanong ay malinaw: sino ang nagpahintulot, sino ang nanahimik, at sino ang nakinabang?